అకీరా నందన్ ఎంట్రీపై భారీ హైప్ !

అకీరా నందన్ సినిమా ఎంట్రీపై సినీ వర్గాల్లో భారీ ఆసక్తి నెలకొంది. పవన్ కళ్యాణ్ కుమారుడిగా ఆయన డెబ్యూపై గత కొంతకాలంగా అనేక ఊహాగానాలు వినిపిస్తున్నాయి. మెగా ఫ్యామిలీ కూడా అతని లాంచ్ కోసం ప్రత్యేక ప్రణాళికలు రూపొందిస్తున్నట్లు సమాచారం. సరైన కథ, దర్శకుడు, నిర్మాణ సంస్థను ఎంపిక చేసే పనిలో కుటుంబం ఉన్నట్లు టాక్ వినిపిస్తోంది.

ఇక వివిధ దర్శకులతో అకీరా డెబ్యూ గురించి పలు రూమర్స్ వినిపిస్తున్నాయి. తాజాగా నటుడు అడివి శేష్ స్పందిస్తూ అకీరాతో తనకు మంచి స్నేహం ఉందని, అతని డెబ్యూ కోసం తాను కూడా ఎదురుచూస్తున్నానని తెలిపారు. ఈ వ్యాఖ్యలు ఇప్పుడు ఇండస్ట్రీలో మరింత ఆసక్తిని పెంచాయి.