“వంద కోట్లు ఖాయం”.. ‘చెన్నై లవ్ స్టోరీ’పై నిర్మాత ధీమా!

చిన్న సినిమాలు థియేటర్లలో నిలబడటమే కష్టంగా మారిన ఈ సమయంలో, యువతరానికి దగ్గరైన ప్రేమకథగా తెరకెక్కుతున్న చెన్నై లవ్ స్టోరీపై నిర్మాత ధీరజ్ మొగిలినేని చేసిన వ్యాఖ్యలు టాలీవుడ్‌లో పెద్ద చర్చకు దారి తీశాయి. హీరోగా కిరణ్ అబ్బవరం నటిస్తున్న ఈ సినిమా వంద కోట్ల వసూళ్లు సాధిస్తుందనే ధీమా సోషల్ మీడియాలో వైరల్ అవుతోంది.

ఇప్పటికే విడుదలైన పాటలకు మణి శర్మ అందించిన సంగీతం మంచి స్పందన పొందింది. కథను సాయి రాజేష్ అందించడంతో సినిమాపై మరింత బజ్ పెరిగింది. సాయి రాజేష్, ఎస్‌కేఎన్, ధీరజ్ మొగిలినేని కలిసి నిర్మిస్తున్న ఈ చిత్రం విడుదలకు ముందే మంచి హైప్ సృష్టించింది. అయితే ఈ సినిమా నిజంగానే వంద కోట్ల క్లబ్‌లో చేరుతుందా లేదా అన్నది ఆసక్తికరంగా మారింది.