చలికాలంలో పిల్లల ఆరోగ్యంపై ప్రత్యేక జాగ్రత్తలు.. ఇలా పాటిస్తే జబ్బులు దూరం — డాక్టర్లు

శీతాకాలం ప్రారంభమైన వెంటనే పిల్లల ఆరోగ్యంపై ఎక్కువ శ్రద్ధ పెట్టడం చాలా ముఖ్యం. ఈ కాలంలో చలి కారణంగా పిల్లల రోగనిరోధక శక్తి తగ్గిపోవడం, చర్మం పొడిగా మారడం, శ్వాసకోశ సమస్యలు పెరగడం, వైరస్‌లు వేగంగా వ్యాప్తి చెందడం సాధారణం. కాబట్టి పిల్లలను వ్యాధుల నుంచి రక్షించడానికి వారి రోగనిరోధక శక్తిని బలోపేతం చేయడం అత్యవసరం.

పరిశుభ్రతకు ప్రాధాన్యం ఇవ్వండి

పిల్లలకు చేతులు కడుక్కోవడం అలవాటు చేయడం అవసరం. తినే ముందు, తిన్న తర్వాత తప్పకుండా చేతులు కడుక్కోవాలి. శీతాకాలంలో పిల్లలు ఎప్పుడూ గోరువెచ్చని నీటితో స్నానం చేయాలి. వారి దుస్తులను శుభ్రంగా, పొడిగా ఉంచడం మంచిది.

పండ్లు, కూరగాయలు ఎక్కువగా ఇవ్వండి

ఈ కాలంలో రోగనిరోధక శక్తి తగ్గే అవకాశం ఎక్కువ. కాబట్టి పిల్లలకు విటమిన్ C సమృద్ధిగా ఉన్న నిమ్మకాయ, పండ్లు, తాజా కూరగాయలు అందించండి.

నీరు ఎక్కువగా తాగేలా ప్రోత్సహించండి

శీతాకాలంలో ఎక్కువ మంది తక్కువ నీరు తాగుతారు. దీన్ని వల్ల డీహైడ్రేషన్ సమస్యలు రావచ్చు. పిల్లలకు రోజూ సూప్, జ్యూస్, గోరువెచ్చని నీరు ఇవ్వడం మంచిది. ఉదయం ఖాళీ కడుపుతో గోరువెచ్చని నీరు తాగించడం ఆరోగ్యానికి ఉపయోగకరం.

రోగనిరోధక శక్తిని పెంచే ఆహారం ఇవ్వండి

పప్పులు, ఆకుకూరలు, పండ్లు, పాలు, పెరుగు, గుడ్లు, గింజలు వంటి పోషకాహారాన్ని వారి రోజువారీ డైట్‌లో చేర్చండి. జంక్ ఫుడ్‌కు దూరంగా ఉంచండి. తగినంత నిద్ర, తగిన శారీరక చలనం పిల్లల ఆరోగ్యం కోసం అవసరం.

 గమనిక :

 జలుబు, దగ్గు, జ్వరం లేదా శ్వాసకోశ సమస్యలు ఎక్కువగా ఉంటే తప్పనిసరిగా పిల్లల వైద్యుడిని సంప్రదించండి.