ఈ 6 లక్షణాలు ఉంటే మీకు పైల్స్ వచ్చే అవకాశం ఎక్కువ - డాక్టర్లు

చాలా మంది మలబద్ధకాన్ని పెద్ద సమస్యగా భావించరు. కానీ ప్రారంభ దశలో దీనిని నిర్లక్ష్యం చేస్తే, దీర్ఘకాలంలో ఫైల్స్‌ వంటి తీవ్రమైన సమస్యలకు దారితీయవచ్చని వైద్య నిపుణులు హెచ్చరిస్తున్నారు. మలబద్ధకం వృద్ధులు, పిల్లలు, గర్భిణీ స్త్రీలకే కాదు అన్ని వయసుల వారిని ప్రభావితం చేయగల సమస్య. దీనికి ప్రధాన కారణం అనారోగ్యకరమైన ఆహారపు అలవాట్లే. ప్రారంభంలోనే దీనిని గుర్తించి సరిదిద్దకపోతే, సమస్య మరింత తీవ్రమయ్యే ప్రమాదం ఉంటుంది.

అరుదుగా మలవిసర్జన జరగడం లేదా మలవిసర్జనకు ఎక్కువ సమయం పడటం మలబద్ధకానికి ముఖ్య లక్షణాలు. వారానికి మూడు సార్లు లేదా అంతకంటే తక్కువ మలవిసర్జన జరిగితే అది మలబద్ధకానికి సంకేతం. కొందరికి ప్రతిరోజూ మలవిసర్జన జరిగినా, అది సులభంగా జరగకపోతే లేదా మలం గట్టిగా, పొడిగా ఉంటే అది కూడా మలబద్ధకమే. కాఫీ తాగితేనే మలవిసర్జన చేయగలగడం, మలవిసర్జనకు ముందు తప్పనిసరిగా వేడినీరు తాగాల్సిన పరిస్థితి, మలవిసర్జన సమయంలో నొప్పి లేదా అసౌకర్యం కలగడం ఇవన్నీ మలబద్ధకం ఉన్నట్లు సూచించే లక్షణాలేనని నిపుణులు చెబుతున్నారు. అంతేకాకుండా, ప్రతిరోజూ మలవిసర్జన చేసిన తర్వాత కూడా ప్రేగుల్లో వ్యర్థాలు మిగిలిన భావన కలగడం, అజీర్ణం ఉండడం వల్ల కూడా ఈ సమస్య ఏర్పడుతుంది.

సాధారణంగా మలవిసర్జన తర్వాత కడుపు తేలికగా, రిలాక్స్‌గా అనిపించాలి. కానీ మలబద్ధకం ఉన్నవారికి మలవిసర్జన అనంతరం కూడా కడుపు బరువుగా అనిపిస్తుంది. పూర్తిగా ఖాళీ అయిన భావన ఉండదు. ఈ తరహా లక్షణాలు కనిపిస్తే భవిష్యత్తులో ఫైల్స్‌ సమస్య వచ్చే అవకాశాలు ఎక్కువగా ఉంటాయని వైద్యులు హెచ్చరిస్తున్నారు. సాధారణంగా జిడ్డు పదార్థాలు ఎక్కువగా ఉన్న ఆహారం తీసుకున్నప్పుడు లేదా అతిగా తిన్న తర్వాత గుండెల్లో మంట రావచ్చు. కానీ ఈ గుండెల్లో మంట తరచుగా రావడం, ముఖ్యంగా మలవిసర్జన తర్వాత కూడా కొనసాగితే, అది తీవ్ర ఆరోగ్య సమస్యలకు సంకేతం కావచ్చని నిపుణులు సూచిస్తున్నారు.

గమనిక: ఇక్కడ ఇచ్చిన సమాచారం కేవలం అవగాహన కోసం మాత్రమే. దీనికి మేము ఎలాంటి బాధ్యత వహించము. ఏవైనా ఆరోగ్య సమస్యలు ఉంటే తప్పనిసరిగా వైద్యుడిని లేదా న్యూట్రిషనిస్ట్‌ను సంప్రదించి వారి సలహా మేరకు అనుసరించండి.