జిగేలు రాణిని తలదన్నేలా ‘పెద్ది’ స్పెషల్ సాంగ్?

రామ్‌ చరణ్ నటిస్తున్న ‘పెద్ది’ చిత్రం మొదటి నుంచే మంచి ఆసక్తిని రేకెత్తిస్తోంది. బుచ్చిబాబు దర్శకత్వంలో రూపొందుతున్న ఈ సినిమాలో ఒక భారీ స్పెషల్ సాంగ్ ఉండబోతుందనే వార్తలు వినిపిస్తున్నాయి. ఈ పాట సినిమా మొత్తానికి ప్రత్యేక ఆకర్షణగా నిలుస్తుందని భావిస్తున్నారు. గతంలో ‘రంగస్థలం’ సినిమాలో వచ్చిన జిగేలు రాణి పాట ఎంతటి ప్రభావం చూపిందో తెలిసిందే. ఇప్పుడు ‘పెద్ది’ లోని ఈ పాట కూడా అదే స్థాయిలో ప్రభావం చూపుతుందని సినీ వర్గాలు చెబుతున్నాయి.

ఈ పాటలో ఉత్తరాంధ్ర యాసలో బలమైన హుక్ పదం ఉండబోతుందని సమాచారం. ఈ పాటకు జానీ మాస్టర్ నృత్య రూపకల్పన చేస్తున్నారని, రామ్ చరణ్ శైలికి తగ్గట్టుగా ఉత్సాహభరితమైన స్టెప్పులు ఉంటాయని తెలుస్తోంది. ఈ పాటలో చరణ్‌తో కలిసి మానస వారణాసి కనిపించే అవకాశం ఉందని టాక్ వినిపిస్తోంది. ఉత్తరాంధ్ర నేపథ్యంలో సాగే ఈ సినిమాలో రామ్ చరణ్ ఊర మాస్ పాత్రలో కనిపించబోతుండగా, త్వరలోనే అధికారిక ప్రకటన వచ్చే అవకాశం ఉంది.