సినిమాల పై నందమూరి మోక్షజ్ఞ కి నో ఇంట్రెస్ట్?

సినిమా ఇండస్ట్రీలో స్టార్ హీరోల కొడుకులు నట వారసులుగా ఇండస్ట్రీకి ఎంట్రీ ఇచ్చి వరుస సక్సెస్ లను సాధిస్తూ ముందుకు దూసుకెళ్తున్న విషయం మనకు తెలిసిందే. ప్రస్తుతం టాలీవుడ్‌లో ఉన్న చాలా మంది స్టార్ హీరోలు ఇదే కోవలోకి వస్తారు. బాలకృష్ణ మాత్రం సీనియర్ హీరోగా తనదైన స్టైల్‌లో విజయాలు సాధిస్తూ ముందుకు సాగుతున్నారు. అయితే ఆయన కుమారుడు మోక్షజ్ఞ తేజ ఎప్పుడు సినిమాల్లోకి వస్తాడు అనే విషయంపై చాలాకాలంగా చర్చలు జరుగుతున్నాయి. గతంలో జనవరి 1 న మోక్షజ్ఞ సినిమా అనౌన్స్ చేస్తారని వార్తలు వచ్చినప్పటికీ, అవి నిజం కాదని ఇప్పుడు స్పష్టమవుతోంది.

వాస్తవానికి మోక్షజ్ఞకు సినిమాల్లో నటించాలనే ఆసక్తి పెద్దగా లేదని సమాచారం. బాలయ్య బాబు ఒత్తిడి వల్లే సినిమాలు చేస్తానని చెప్పినా, మోక్షజ్ఞ పూర్తి సుముఖత చూపడం లేదట. అందుకే బాలయ్య బాబు కూడా ఏ నిర్ణయం తీసుకోవాలో తెలియక ఆలోచనలో ఉన్నట్లు తెలుస్తోంది. మోక్షజ్ఞకు బిజినెస్ అంటే ఎక్కువ ఇష్టం అని, ఆ రంగంలో మంచి స్కిల్స్ కూడా ఉన్నాయని తమ సన్నిహితులు సైతం చెబుతూ ఉంటారంట. అలాంటి పరిస్థితిలో సినిమాల వైపు బలవంతంగా తీసుకురావడం సరైన నిర్ణయం కాదనే అభిప్రాయం వినిపిస్తోంది.

బాలయ్య బాబుకు ఇండస్ట్రీలో తన నట వారసుడు ఉండాలనే కోరిక ఉన్నప్పటికీ, మోక్షజ్ఞ మాత్రం బిజినెస్ చేయాలనే నిర్ణయంపై ఉన్నాడు. ఆసక్తి లేకుండా సినిమాల్లోకి వచ్చినా అతను నిలదొక్కుకోలేడని, ఎక్కువగా ఒకటి లేదా రెండు సినిమాలకే పరిమితం అయ్యే అవకాశం ఉందని అంటున్నారు. అలాగే ఇండస్ట్రీకి వచ్చి తర్వాత ఫేడ్ అవ్వడం అవమానకరంగా మారే ప్రమాదం కూడా ఉందని భావిస్తున్నారు. అందుకే సినిమాలు చేయకుండా ఉండటమే మంచిదని బాలయ్యకు ఆయన సన్నిహితులు సలహాలు ఇస్తున్నారట. ఈ విషయంలో బాలయ్య ఎలా స్పందిస్తారో, మోక్షజ్ఞ సినిమాలు ఉంటాయా లేదా అన్నది తెలుసుకోవాలంటే ఇంకా కొద్ది రోజులు వేచి చూడాల్సిందే. ప్రస్తుతం బాలయ్య బాబు, గోపీచంద్ మలినేని దర్శకత్వంలో ఒక సినిమా చేస్తున్నారు.