విజయ్‌ దంపతుల విడాకులు.. కొడుకు దూరం పెట్టాడా?

తమిళ స్టార్‌ హీరో విజయ్ భార్య సంగీత విడాకుల కోసం కోర్టును ఆశ్రయించింది. ఒక నటి‌తో ఉన్న వివాహేతర సంబంధం కారణంగానే విడిపోవాలని ఆమె నిర్ణయించినట్లు సమాచారం. ఈ వార్త సోషల్‌ మీడియాలో వేగంగా వైరల్‌ అవుతోంది.

ఇక నెటిజన్లు గమనించిన మరో అంశం - విజయ్ కుమారుడు జేసన్‌ సంజయ్ తన తండ్రిని ఇన్‌స్టాగ్రామ్‌లో అన్‌ఫాలో చేశాడట. కొందరు అతను ఇది తన తల్లి విడాకుల పిటిషన్‌ దాఖలు చేసిన తర్వాత చేశాడని చెబుతుండగా, మరికొందరు అతను అప్పటికే ఫాలో చేయలేదని అంటున్నారు. ఈ విషయం ప్రస్తుతం అభిమానుల మధ్య చర్చనీయాంశంగా మారింది.

విజయ్ - సంగీత 1999 లో వివాహం చేసుకున్నారు. వీరికి ఒక కుమారుడు, ఒక కూతురు ఉన్నారు. రెండున్నర దశాబ్దాలుగా కలిసి ఉన్న ఈ దంపతుల మధ్య ఇటీవల విభేదాలు తలెత్తినట్లు తెలిసింది. దీంతో సంగీత విడాకుల పిటిషన్‌ వేసింది. ఈ పిటిషన్‌పై వచ్చే నెల 20 న విచారణ జరగనుంది. ఆ రోజున విజయ్‌ కోర్టులో హాజరవుతారని సమాచారం.