జనరల్
30, ఏప్రిల్ 2026, గురువారం
కన్నడ స్టార్ యశ్ నటిస్తున్న ‘టాక్సిక్’ చిత్రం రిలీజ్ విషయంలో కొత్త వ్యూహాలు అమలు చేస్తున్నట్టు తెలుస్తోంది. మొదట జూన్ 4న విడుదల చేయాలని భావించినప్పటికీ, గ్లోబల్ డిస్ట్రిబ్యూషన్ ప్లాన్ల కారణంగా వాయిదా వేసినట్లు సమాచారం. సినిమాకాన్లో ఈ చిత్రానికి వచ్చిన స్పందనతో మేకర్స్ మరింత విస్తృతంగా రిలీజ్ చేయాలని నిర్ణయించినట్లు తెలుస్తోంది.
హాలీవుడ్ స్థాయి విజువల్స్తో తెరకెక్కుతున్న ఈ చిత్రం ప్రపంచవ్యాప్తంగా విడుదల చేయాలని ప్లాన్ చేస్తున్నారు. ఆగస్టు 15న విడుదల చేసే అవకాశం ఉన్నప్పటికీ, అదే సమయంలో ఇతర పెద్ద సినిమాలు ఉండటం పోటీని పెంచుతోంది. దర్శకురాలు గీతూ మోహన్ దాస్ ఈ సినిమాను ప్రత్యేక శైలిలో తెరకెక్కిస్తున్నారని టాక్.
ఈ చిత్రంలో కియారా అద్వానీ, నయనతార కీలక పాత్రల్లో నటించడం సినిమాకు అదనపు ఆకర్షణగా మారింది. ‘కేజీఎఫ్’ తర్వాత యశ్ చేస్తున్న సినిమా కావడంతో అంచనాలు భారీగా ఉన్నాయి. ఆలస్యమైనా సరే ఉత్తమమైన కంటెంట్ అందించాలనే లక్ష్యంతో టీమ్ పని చేస్తోంది. త్వరలోనే అధికారిక రిలీజ్ డేట్ ప్రకటించే అవకాశం ఉందని సినీ వర్గాల్లో చర్చ జరుగుతోంది.
కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!