సుకుమార్ డైరెక్షన్ లో మరో సారి రామ్ చరణ్, జోష్ లో ఫ్యాన్స్

మెగాపవర్ స్టార్ రామ్ చరణ్ ప్రస్తుతం దర్శకుడు బుచ్చిబాబు సానాతో కలిసి పెద్ది అనే ప్రాజెక్ట్‌లో పని చేస్తున్నారు. ఈ సినిమా తర్వాత, ఆయన కెరీర్‌లో 17వ చిత్రంగా, ప్రముఖ దర్శకుడు సుకుమార్‌ తో అతిపెద్ద ప్రాజెక్ట్ చేయబోతున్నాడు. దర్శక ధీరుడు ఎస్. ఎస్. రాజమౌళి సైతం ఈ సినిమాలో ఎంట్రీ సీన్ కోసం ఎదురు చూస్తున్నట్టు తెలిపారు. అలాంటిది ఈ సినిమా రామ్ చరణ్ కెరీర్ లో ఏ రేంజ్ లో ఉండబోతుందో అర్ధం చేసుకోవచ్చు.

ఇక ఈ ప్రాజెక్ట్ కి సంబంధించి ఇంట్రెస్టింగ్ టాక్ ఒకటి వైరల్ అవుతుంది. క్రియేటివ్ డైరెక్టర్ సుకుమార్ ఫైనల్ గా ఈ సినిమా టోటల్ స్క్రిప్ట్ ని లాక్ చేసేయగా షూటింగ్ ని కూడా ప్లాన్ చేసేందుకు రంగం సిద్ధం చేస్తున్నారట. మార్చి లో రామ్ చరణ్ సినిమా పెద్ది రిలీజ్ అయ్యాక ఒక రెండు నెలల గ్యాప్ లో ఈ సినిమాని స్టార్ట్ చేయాలని చూస్తున్నారట. ఈలోపు అవసరమైన ప్రీ ప్రొడక్షన్ పనులు కంప్లీట్ చేయనున్నట్టుగా తెలుస్తుంది. సో బిగ్గెస్ట్ ప్రాజెక్ట్ ఎలా ఉండబోతుందో చూడాలి మరి.