విజయ్ దేవరకొండతో ఆ హీరోయిన్ స్పెషల్ సాంగ్ ?

విజయ్ దేవరకొండ ‘కింగ్డం’ సినిమాతో ఎదురైన నిరాశ తర్వాత ఈసారి పక్కా మాస్ హిట్ కొట్టేందుకు సిద్ధమవుతున్నాడు. రవి కిరణ్ కోలా దర్శకత్వంలో, దిల్ రాజు నిర్మిస్తున్న ‘రౌడీ జనార్దన’ సినిమాపై భారీ అంచనాలు నెలకొన్నాయి. మాస్ ఎలిమెంట్స్‌తో నిండిన ఈ సినిమాలో ప్రేక్షకులను అలరించేలా ప్రత్యేక ఐటెం సాంగ్‌ను ప్లాన్ చేస్తున్నారు.

ఈ ఐటెం సాంగ్‌లో పూజా హెగ్డే నటించే అవకాశాలు ఉన్నట్లు టాక్ వినిపిస్తోంది. ఇటీవల స్పెషల్ సాంగ్‌తో మళ్లీ ట్రెండ్‌లోకి వచ్చిన ఆమె, విజయ్‌తో కలిసి డ్యాన్స్ చేస్తే సినిమా హైప్ మరింత పెరుగుతుందని భావిస్తున్నారు. ఇక ఈ సినిమాలో ఫ్లాష్‌బ్యాక్ ఎపిసోడ్స్‌లో విజయ్ ఫుల్ యాక్షన్ మోడ్‌లో కనిపించనున్నాడు. సీనియర్ హీరో రాజశేఖర్ కీలక పాత్రలో కొత్త లుక్‌తో కనిపించనుండగా, కీర్తి సురేశ్ హీరోయిన్‌గా నటిస్తోంది. గ్రామీణ నేపథ్యంలో తెరకెక్కుతున్న ఈ సినిమాపై అంచనాలు మరింత పెరిగాయి.