రజనీకాంత్ ‘జైలర్ 2’లో సంతానం రీఎంట్రీ! నెల్సన్ నుండి మాస్ ఎంటర్‌టైన్‌మెంట్ రాబోతుందా?

నెల్సన్ దిలీప్‌కుమార్, సూపర్ స్టార్ రజినీకాంత్ కాంబినేషన్‌లో వస్తున్న జైలర్ 2 మీద అభిమానుల్లో ఇప్పటికే భారీ హైప్ ఉంది. ఇక ఇప్పుడు మరో ఎగ్జైటింగ్ అప్‌డేట్ బయటకి వచ్చింది స్టార్ కమెడియన్ సంతానం ఈ సినిమాతో తన కామెడీ రీ-ఎంట్రీ ఇవ్వబోతున్నాడట! సంతానం అంటే తమిళ ఇండస్ట్రీలో టాప్ కమెడియన్. కానీ గత కొన్ని ఏళ్లుగా హీరోగా సినిమాలు చేస్తూ కామెడీ రోల్స్‌కి దూరమయ్యాడు. అయితే ఇప్పుడు మళ్లీ తన పాత ఫామ్‌లోకి వస్తున్నాడు. తమిళ సినీ వర్గాల ప్రకారం, జైలర్ 2లో సంతానం కామెడీ రోల్‌లో కనిపించబోతున్నాడట.

నెల్సన్ డైరెక్షన్‌లో ఉండే హ్యూమర్ స్టైల్‌కి సంతానం టైమింగ్ కలిసొస్తుందని ఫ్యాన్స్‌కి ఇంకో లెవల్ ఎగ్జైట్‌మెంట్. జైలర్ 2 అనేది మొదటి పార్ట్‌కి డైరెక్ట్ సీక్వెల్. ఇందులో ముత్తువేల్ పాండియన్ (రజినీకాంత్ పాత్ర) ఒక ఐడల్ స్మగ్లింగ్ అండర్‌వర్ల్డ్ సిండికేట్‌ని డౌన్ చేయడానికి చేసే మిషన్ చుట్టూ కథ తిరుగుతుంది. ఇందులో అతని సొంత కుమారుడి మరణం తర్వాత ఎదురైన ఎమోషనల్ స్ట్రగుల్స్, కుటుంబ జీవితం కూడా చూపించబోతున్నారు.

సీక్వెల్ ఈసారి మరింత ఇంటెన్స్‌, వైలెంట్గా ఉండబోతోందట బ్లడీ యాక్షన్ సీన్స్ ఎక్కువగా ఉండనున్నాయని టాక్. నెల్సన్ ఈసారి కథ, విజువల్స్ మీద ఎటువంటి  కాంప్రమైజ్ చేయట్లేదట. పెద్ద స్టార్కాస్ట్ కూడా ఉండబోతోందట. సంతానం తన షూట్‌ను వచ్చే నెలలో ప్రారంభించబోతున్నాడు. మళ్లీ కామెడీ రూట్స్‌కి వస్తుండటంతో ఫ్యాన్స్ చాలా హ్యాపీగా ఉన్నారు. రజినీకాంత్‌తో ఇంతకుముందు లింగా సినిమాలో సంతానం కలిసి నటించాడు.