ధనుష్ మూవీ నుండి రుక్మిణి ఔట్, దురందర్ హీరోయిన్ కు ఛాన్స్..

తమిళ స్టార్ హీరో ధనుష్ వరుస సినిమాలతో బిజీగా ఉన్నారు. ప్రస్తుతం ఆయన 'కర' సినిమా విడుదలకు సిద్ధమవుతుండగా, మరోవైపు 'డీ56' అనే కొత్త సినిమాను ప్రారంభించారు. ఈ సినిమాకు తమిళరసన్ పచ్చముత్తు దర్శకత్వం వహిస్తున్నారు. ఈ చిత్రంలో హీరోయిన్ ఎవరు అనే విషయంపై సోషల్ మీడియాలో చర్చలు కొనసాగుతున్నాయి.

మొదట ఈ సినిమాలో రుక్మిణి వసంత్ నటిస్తారని వార్తలు వచ్చాయి. అయితే ఆమెకు ఇతర సినిమాల పనులు ఎక్కువగా ఉండటం వల్ల తేదీలు సరిపోక ఈ ప్రాజెక్ట్ నుండి తప్పుకున్నట్లు సమాచారం. దీంతో చిత్ర బృందం ఇప్పుడు కొత్త హీరోయిన్ కోసం వెతుకుతోంది.

తాజా సమాచారం ప్రకారం బాలీవుడ్ యువ నటి సారా అర్జున్ ఈ పాత్రకు ఎంపిక కావచ్చని వార్తలు వినిపిస్తున్నాయి. ఇటీవల ధురంధర్ సినిమాతో మంచి విజయాన్ని అందుకున్న ఆమెకు తమిళ సినిమాలో అవకాశం దక్కే అవకాశముంది. అయితే దీనిపై ఇంకా అధికారిక ప్రకటన రావాల్సి ఉంది.