రవితేజ-శ్రీవిష్ణు మల్టీస్టారర్‌లో ఈ హీరోయిన్!

‘ఇరుముడి’ బ్లాక్‌బస్టర్ విజయంతో జోష్‌లో ఉన్న మాస్ మహారాజా రవితేజ.. టాలెంటెడ్ డైరెక్టర్ హాసిత్ గోలీతో కలిసి ఓ భారీ ఎంటర్‌టైనర్ చేస్తున్నారు. ప్రస్తుతం SVC64 అనే వర్కింగ్ టైటిల్‌తో తెరకెక్కుతున్న ఈ చిత్రంలో విలక్షణ నటుడు శ్రీవిష్ణు కూడా కీలక పాత్రలో నటిస్తున్నారు. దీంతో ఈ ప్రాజెక్ట్ టాలీవుడ్‌లో ఆసక్తికరమైన మల్టీస్టారర్‌గా మారింది. శ్రీ వెంకటేశ్వర క్రియేషన్స్ బ్యానర్‌పై దిల్ రాజు, శిరీష్ ఈ చిత్రాన్ని భారీ నిర్మాణ విలువలతో తెరకెక్కిస్తున్నారు.

సంక్రాంతి సీజన్‌ను టార్గెట్ చేస్తూ జనవరి 14న ప్రపంచవ్యాప్తంగా థియేటర్లలో సినిమాను విడుదల చేయాలని మేకర్స్ ఇప్పటికే నిర్ణయించినట్లు తెలుస్తోంది. ఇక నటీనటుల ఎంపికపై కూడా ఆసక్తికరమైన వార్తలు వస్తున్నాయి. రవితేజ సరసన ఐశ్వర్య రాజేశ్‌ను, శ్రీవిష్ణుకు జోడీగా మాళవిక మోహనన్‌ను ఎంపిక చేసినట్లు టాక్ వినిపిస్తోంది. ఈ రెండు జోడీలు సినిమాపై మరింత ఆసక్తిని పెంచుతున్నాయి. అయితే నటీనటుల ఎంపికపై అధికారిక ప్రకటన రావాల్సి ఉంది.