రామ్, బాలయ్య, ప్రభాస్ - ఒక్కసారిగా టాలీవుడ్ స్టార్లు అమెరికా బాట ఎందుకు పట్టారు?

ఇటీవలి కాలంలో అమెరికా, తెలుగు సినిమా ప్రచారాలకు ప్రధాన కేంద్రంగా మారింది. డల్లాస్, బే ఏరియా, న్యూ జెర్సీ వంటి ప్రాంతాల్లో తెలుగు ప్రజలు అధికంగా ఉండటంతో, హీరోలు, టీమ్స్ అక్కడికే వెళ్లి అభిమానులతో కలిసిపోతున్నారు. ఈ ఈవెంట్స్ ఆన్‌లైన్‌లో వైరల్ అవుతుండటంతో, ఇండియా ప్రేక్షకులు కూడా ఆసక్తిగా వీటిని ఫాలో అవుతున్నారు.

నమ్మకమైన సమాచారం ప్రకారం, నవంబర్ 26న ఆంధ్ర కింగ్ తాలూకా ప్రచారం కోసం హీరో రామ్ అమెరికాకు వెళ్లనున్నారు. తరువాత బాలకృష్ణ అఖండ 2 ప్రమోషన్ కోసం డిసెంబర్ 5 విడుదలకు ముందుగా డల్లాస్, బే ఏరియా వంటి నగరాలకు వెళ్లనున్నారు. డిసెంబర్ చివర్లో రాజా సాబ్ చిత్ర ప్రచారం కోసం ప్రభాస్ కూడా అమెరికా పర్యటనకు వెళ్తారన్న వార్తలు వినిపిస్తున్నాయి.

అయితే ఈ ఈవెంట్స్‌లో హడావిడి, భారీ క్యూ లైన్లు, రద్దీ వంటి సమస్యలు స్థానిక అమెరికన్ ప్రజలకి అసౌకర్యం కలిగించే ప్రమాదం ఉంది. అందుకే నిర్వాహకులు జాగ్రత్తగా వ్యవహరించి, ఎలాంటి ట్రాఫిక్ సమస్యలు లేకుండా, స్థానికులకు ఇబ్బంది కలగకుండా కార్యక్రమాలు నిర్వహించాలని ఆశిస్తున్నారు.