రూట్ మార్చిన రామ్ పోతినేని, హార్రర్ స్టోరీలపై ఫోకస్

‘ఆంధ్ర కింగ్ తాలూకా’ సినిమా థియేట్రికల్ రన్ ముగిసింది. మంచి రివ్యూలు, పాజిటివ్ టాక్ ఉన్నప్పటికీ, ఈ సినిమా ఆశించిన స్థాయిలో విజయాన్ని అందుకోలేకపోయింది. మైత్రి మూవీ మేకర్స్, మంచి కాస్ట్, సంగీతం అన్నీ ఉన్నా, ఈ సినిమా ప్రేక్షకులను పూర్తిగా ఆకట్టుకోలేకపోయింది. దర్శకుడు మహేష్ కుమార్ పి చెప్పాలనుకున్న కథ ప్రేక్షకులకు పూర్తిగా కనెక్ట్ కాలేదని చెప్పాలి.

ఈ పరిస్థితుల్లో రామ్ తన కెరీర్‌పై మళ్లీ దృష్టి సారించాలని భావిస్తున్నట్లు తెలుస్తోంది. స్టార్ హీరోలు కూడా ఫ్లాపులు ఎదుర్కొన్నా వెంటనే బౌన్స్ బ్యాక్ అయ్యే స్థాయిలో ఉంటారు. కానీ రామ్ విషయంలో ప్రభావం ఎక్కువ. తనకు సూటయ్యే ఫ్యామిలీ, లవ్ జానర్‌ను వదిలి వరుసగా మాస్ సినిమాల్లో ప్రయోగాలు చేయడం అతనికి కలిసి రాలేదు.

ఇప్పుడు రామ్ దారి మార్చే ఆలోచనలో ఉన్నట్లు తెలుస్తోంది. ప్రస్తుతం హారర్ కథలు, కొత్త దర్శకుల ఐడియాలను పరిశీలిస్తున్నట్లు తెలుస్తోంది. ఇందులో భాగంగా సముద్రఖని చెప్పిన ఓ కథను కూడా ఆయన పరిశీలుస్తున్నాడట. త్వరలోనే ఆయన కొత్త సినిమా అనౌన్స్‌మెంట్ చేస్తాడని తెలుస్తోంది.