విజయ్ దేవరకొండ చిత్రంలో ట్విస్ట్.. ప్రతినాయకుడిగా రాజశేఖర్ ఎంట్రీ?

విజయ్ దేవరకొండ హీరోగా తెరకెక్కుతున్న రౌడీ జనార్థన చిత్రం గురించి మరో ఆసక్తికర ప్రచారం సినీ వర్గాల్లో చక్కర్లు కొడుతోంది. రవికిరణ్ కోలా దర్శకత్వంలో రూపొందుతున్న ఈ చిత్రంలో కీలక ప్రతినాయక పాత్రకు సంబంధించి అనూహ్య పరిణామాలు చోటుచేసుకున్నట్లు సమాచారం. దీంతో సినిమా మరోసారి చర్చనీయాంశంగా మారింది.

మొదట ఈ పాత్ర కోసం విజయ్ సేతుపతి ను సంప్రదించినట్లు గతంలో వార్తలు వచ్చాయి. అయితే ఆయన వరుస చిత్రాలతో బిజీగా ఉండటంతో తేదీలు సర్దుబాటు కాలేదని సినీ వర్గాలు చెబుతున్నాయి. ఈ నేపథ్యంలో చిత్రబృందం ప్రత్యామ్నాయాలపై దృష్టి సారించినట్లు తెలుస్తోంది. ప్రస్తుతం సీనియర్ నటుడు రాజశేఖర్ పేరు బలంగా వినిపిస్తోంది. విజయ్ దేవరకొండ-రాజశేఖర్ మధ్య సాగే సన్నివేశాలు సినిమాకు ప్రధాన ఆకర్షణగా నిలిచే అవకాశముందని టాక్. అయితే ఈ విషయంపై చిత్రబృందం నుంచి ఇప్పటివరకు ఎలాంటి అధికారిక ప్రకటన వెలువడలేదు.