‘వారణాసి’ మూవీలో ఆ స్పెషల్ పాత్రలో కనిపించనున్న రాజమౌళి?

సూపర్ స్టార్ మహేష్ బాబు ప్రస్తుతం ప్రముఖ దర్శకుడు రాజమౌళి దర్శకత్వంలో ‘వారణాసి’ అనే భారీ చిత్రంలో నటిస్తున్నాడు. ఈ చిత్రం ద్వారా మహేష్ బాబు ప్రపంచ స్థాయిలో గుర్తింపు పొందాలని లక్ష్యంగా పెట్టుకున్నాడు. భారీ ఖర్చుతో రూపొందుతున్న ఈ సినిమా మంచి విజయాన్ని సాధిస్తుందని చిత్రబృందం భావిస్తోంది.

ఈ సినిమాలో రాజమౌళి కూడా ఒక ప్రత్యేక పాత్రలో కనిపించనున్నాడని సమాచారం. ఆయన పాత్ర చాలా ముఖ్యంగా ఉండి సినిమా మొత్తానికి హైలైట్ అవుతుందని చెబుతున్నారు. మొదట ఈ పాత్ర కోసం మరో నటుడిని అనుకున్నప్పటికీ, కొన్ని కారణాల వల్ల అది సాధ్యంకాకపోవడంతో రాజమౌళి స్వయంగా ఆ పాత్రను చేయాలని నిర్ణయించుకున్నాడు.

కథలో ఒక కీలక సమయంలో మహేష్ బాబు ప్రమాదంలో ఉన్నప్పుడు రాజమౌళి పాత్ర వచ్చి సహాయం చేస్తుందని తెలుస్తోంది. ఆ భాగానికి సంబంధించిన చిత్రీకరణ ఇప్పటికే పూర్తయింది. ఇప్పటి వరకు చిన్న చిన్న పాత్రల్లో మాత్రమే కనిపించిన రాజమౌళి, ఈ సినిమాలో పూర్తి స్థాయి పాత్రలో కనిపించనుండటం ఆసక్తిని పెంచుతోంది. ఆయన నటన ప్రేక్షకులను ఎంత వరకు ఆకట్టుకుంటుందో చూడాలి.