ప్రేమ్ రక్షిత్ తో సీక్రెట్‌గా ప్లాన్ చేస్తున్న సినిమా.. ప్రభాస్ మైండ్ బ్లోయింగ్ డెసిషన్?

ప్రభాస్–ప్రేమ్ రక్షిత్ కొత్త సినిమా ప్లాన్… అసలు కథ ఇదే!

నృత్య దర్శకుడిగా ప్రేమ్ రక్షిత్ పేరు చెప్పాలంటే, క్రాఫ్ట్‌కి పుట్టిన బిడ్డ అన్నట్టే. డాన్స్ మాత్రమే కాదు, పని చేసే ప్రతి అంశంలోనూ ఆయనకు ప్రత్యేక అభిరుచి, ఆసక్తి ఉంటుంది. అలాంటి ప్రేమ్ రక్షిత్‌తో ప్రభాస్ సినిమా చేయబోతున్నారని కొంతకాలంగా టాలీవుడ్‌లో వార్తలు వినిపిస్తున్నాయి.

నిజానికి ప్రభాస్‌తో సినిమా చేయాలన్న ఆశ ప్రేమ్ రక్షిత్‌కి కొత్తది కాదు. చాలా ఇంటర్వ్యూల్లో కూడా ఆయన దీనిని చెప్పిన సందర్భాలు ఉన్నాయి. అయితే ఈ కోరిక ఇప్పుడు ఎలా వర్కౌట్ అయింది అన్నదే అసలు ఆసక్తికర అంశం.

ప్రభాస్ – హను రాఘవపూడి చేస్తున్న ‘ఫౌజీ’ సినిమాలో ఒక డ్యూయట్ సాంగ్ ఉందట. ఆ పాటకు ప్రేమ్ రక్షిత్ కొరియోగ్రఫీ చేశారు. ఈ పాటను గ్రాఫిక్స్, సీనరీస్ బ్యాక్‌డ్రాప్‌తో కొత్త కాన్సెప్ట్‌లో తెరకెక్కించారు. షూట్ అవుతోంటే ప్రభాస్‌కి అది బాగా నచ్చిందట.

పాట పూర్తయ్యాక ప్రభాస్ ప్రేమ్‌ను ప్రత్యేకంగా పిలిచి అభినందించారట. అదే సమయంలో తన మైండ్‌లో ఉన్న కాన్సెప్ట్, విజువల్స్, సిజిల్ కట్స్, యానిమేషన్ ఐడియాలు—అన్నీ  వివరించారు. దీన్నే ఆ సినిమా ప్లాన్‌గా మార్చేద్దామని ఇద్దరి మధ్య అంగీకారం కుదిరిందని టాక్.

ప్రస్తుతం ప్రభాస్ చేతిలో చాలానే పెద్ద ప్రాజెక్టులు ఉన్నందున, అవన్నీ పూర్తయ్యేలోగా ప్రేమ్ రక్షిత్ పూర్తి స్క్రిప్ట్ రెడీ చేస్తే, ఈ కొత్త సినిమా యూవీ క్రియేషన్స్ బ్యానర్‌పై రూపొందే అవకాశాలు ఎక్కువగా ఉన్నాయని సమాచారం.