డ్రాగన్‌లో ఎన్టీఆర్ షాకింగ్ మేకోవర్... ఒక్కటి కాదు రెండు లుక్స్!

ఎన్టీఆర్ హీరోగా ప్రశాంత్ నీల్ దర్శకత్వంలో తెరకెక్కుతున్న డ్రాగన్ సినిమా పై అభిమానుల్లో భారీ అంచనాలు ఉన్నాయి. రుక్మిణి వసంత్ హీరోయిన్ గా నటిస్తున్న ఈ సినిమా ప్రతి అప్డేట్ తో మరింత ఆసక్తిని పెంచుతోంది. ఇప్పటికే ఎన్టీఆర్ ఈ సినిమాలో సన్నగా సిక్స్ ప్యాక్ లుక్ లో కనిపించి అందరినీ ఆశ్చర్యపరిచాడు.

ఇప్పుడు ఈ లుక్ కి సంబంధించిన మరో ఆసక్తికరమైన సమాచారం బయటకు వచ్చింది. సన్నగా కనిపించిన ఎన్టీఆర్ తరువాత మరో లుక్ లో బరువు పెరిగి బలమైన శరీరంతో కనిపించనున్నట్లు తెలుస్తోంది. ఇది సినిమాలో కొత్త మలుపుగా మారనుంది.

ఇలా ఒకే సినిమాలో ఎన్టీఆర్ రెండు విభిన్న రూపాల్లో కనిపించే అవకాశం ఉండటంతో అభిమానుల్లో మరింత ఉత్సాహం పెరిగింది. ఈ మార్పులను దర్శకుడు ఎలా చూపిస్తాడో చూడాలని అందరూ ఆసక్తిగా ఎదురుచూస్తున్నారు.