బిగ్ బాస్ 10 సీజన్ కు భారీ రెమ్యునరేషన్‌ డిమాండ్ చేస్తున్న కింగ్ నాగ్..

తెలుగు వినోద రంగంలో రియాలిటీ షోలకి ప్రత్యేకమైన ఆదరణ ఉంది. అందులో ముఖ్యంగా బిగ్‌బాస్ తెలుగు షోకి భారీ ప్రజాదరణ ఉంది. ఈ షోను గత ఏడు సీజన్లుగా హోస్ట్ చేస్తున్న నాగార్జున అక్కినేని తనదైన స్టైల్‌తో ప్రేక్షకులను ఆకట్టుకుంటున్నారు. త్వరలో ప్రారంభం కానున్న 10 వ సీజన్‌ కోసం కూడా ఆయన హోస్ట్‌గా ఫిక్స్ అయ్యారని సమాచారం. అయితే ఈసారి ఆయన తన రెమ్యునరేషన్‌ను భారీగా పెంచారని వార్తలు వస్తున్నాయి.

మొత్తం తొమ్మిది సీజన్లలో తొలి సీజన్‌కు ఎన్టీఆర్, రెండో సీజన్‌కు నాని హోస్ట్‌లుగా వ్యవహరించగా, మిగతా సీజన్లను నాగార్జునే విజయవంతంగా నడిపించారు. ఇటీవల ముగిసిన 9 వ సీజన్ మంచి రేటింగ్ సాధించినట్టు సమాచారం. ఇప్పుడు 10 వ సీజన్ కోసం ఆయన సుమారు 40 కోట్ల రూపాయలు పారితోషికంగా డిమాండ్ చేశారనే ప్రచారం జరుగుతోంది. ఈ షోను నిర్మిస్తున్న ఎండెమాల్ షైన్ ఇండియా( Endemol Shine India) కూడా దీనికి అంగీకరించిందని మీడియా కథనాలు చెబుతున్నాయి.

గత సీజన్లకు సుమారు 30 కోట్ల వరకు తీసుకున్న నాగార్జున, ఈ షో ద్వారా ఇప్పటివరకు 200 కోట్లకు పైగా సంపాదించారని ట్రేడ్ వర్గాలు చెబుతున్నాయి. సినిమాల విషయానికి వస్తే, ఆయన ఒక్కో చిత్రానికి 20 కోట్లకుపైగా తీసుకుంటున్నారనే టాక్ ఉంది. ఇటీవల రజనీకాంత్ నటించిన ‘కూలీ’ చిత్రంలో విలన్‌గా మెప్పించిన నాగార్జున, ప్రస్తుతం తన 100 వ సినిమాపై దృష్టి పెట్టారు. ఈ చిత్రానికి దర్శకుడు రా కార్తీక్. ఇదిలా ఉండగా, సెప్టెంబర్‌లో ప్రారంభమయ్యే బిగ్‌బాస్ 10 కోసం ఆయన రెడీ అవుతున్నారు.