మరో వివాదంలో నా అన్వేష్: పవన్ కళ్యాణ్ వీడియోతో కొత్త చర్చ

యూట్యూబర్ నా అన్వేష్ మరోసారి వివాదానికి కేంద్రంగా మారాడు. రెండు తెలుగు రాష్ట్రాలలో ఇప్పుడు నా అన్వేష్ గురించి చర్చ జరుగుతోంది. నటుడు శివాజీ చేసిన వ్యాఖ్యలకు కౌంటర్ ఇవ్వాలనే ప్రయత్నంలో హిందూ దేవుళ్లపై చేసిన వ్యాఖ్యలు తీవ్ర విమర్శలకు దారి తీశాయి. ఈ వ్యాఖ్యలతో రెండు తెలుగు రాష్ట్రాల్లో అతనిపై కేసులు నమోదవుతున్నాయి. కొందరు బీజేపీ నేతలు అతనిపై దేశద్రోహం కేసు కూడా పెట్టాలని డిమాండ్ చేస్తున్నారు.

ఇలాంటి పరిస్థితుల్లో, పవన్ కళ్యాణ్ నటించిన వకీల్ సాబ్ సినిమాలోని కోర్టు సీన్‌ను నా అన్వేష్ సోషల్ మీడియాలో షేర్ చేశాడు. ఆ సీన్‌లో మహిళలు తమకు నచ్చిన బట్టలు వేసుకునే హక్కు గురించి పవన్ కళ్యాణ్ బలమైన డైలాగ్ చెబుతారు. అయితే, “పవన్ కళ్యాణే ఇదే మాట చెబుతున్నాడు, నేను చెబితే తప్పా?” అన్న భావన వచ్చేలా వీడియోను షేర్ చేయడంతో వివాదం మరింత పెరిగింది.

ఈ పోస్ట్ వైరల్ కావడంతో పవన్ కళ్యాణ్ అభిమానులు తీవ్ర ఆగ్రహం వ్యక్తం చేస్తున్నారు. తన తప్పుల నుంచి తప్పించుకోవడానికి తమ హీరోను మధ్యలోకి లాగవద్దని పవర్ స్టార్ ఫ్యాన్స్ నా అన్వేష్‌కు గట్టి కౌంటర్ ఇస్తున్నారు.