అక్షయ్ కుమార్ హీరో గా ‘సంక్రాంతికి వస్తున్నాం’ సినిమా రీమేక్?

గత సంవత్సరం సంక్రాంతి సందర్భంగా విడుదలై భారీ విజయం సాధించిన చిత్రాల్లో వెంకీ మామ హీరోగా నటించిన ‘సంక్రాంతికి వస్తున్నాం’ ఒకటి. తెలుగు ప్రేక్షకులను ఆకట్టుకున్న ఈ సినిమా రీజనల్ ఇండస్ట్రీలో సెన్సేషనల్ హిట్‌గా నిలిచింది. సినిమా విడుదలైన వెంటనే హిందీలో రీమేక్ చేయబోతున్నారనే వార్తలు కూడా అప్పట్లో వినిపించాయి.

ఆ సమయంలో బాలీవుడ్ స్టార్ హీరో అక్షయ్ కుమార్ ఈ సినిమా రీమేక్‌లో నటించనున్నాడని, ఓ ప్రముఖ దర్శకుడు ఈ ప్రాజెక్ట్‌ను హ్యాండిల్ చేస్తాడని టాక్ వచ్చింది. అయితే కొంతకాలం తర్వాత ఈ వార్తలు సైలెంట్ అయ్యాయి. తాజాగా మళ్లీ ఈ రీమేక్ చర్చలు తెరపైకి వచ్చాయి. దిల్ రాజు నిర్మాణంలో, అక్షయ్ కుమార్ హీరోగా ఈ సినిమా హిందీలో తెరకెక్కే అవకాశముందని బాలీవుడ్ వర్గాల్లో మరోసారి ప్రచారం మొదలైంది.

ఇదే సమయంలో సంగీత దర్శకుడు భీమ్స్ కూడా హిందీలో ఓ సినిమా సైన్ చేశాడని మాస్ మహారాజా రవితేజ ఇటీవల వెల్లడించారు. ఆ సినిమా ఇదేనని కూడా కొందరు చెబుతున్నారు. దీంతో ‘సంక్రాంతికి వస్తున్నాం’ హిందీ రీమేక్‌పై ఆసక్తి పెరిగింది. అయితే ఈ విషయంపై అధికారిక ప్రకటన రావాల్సి ఉంది.