వరుస ఫ్లాప్స్ తర్వాత మెహర్ రమేష్‌కు గోల్డెన్ ఛాన్స్ ఇస్తున్నాడా చరణ్?

మెగా పవర్ స్టార్ రామ్ చరణ్ నటిస్తున్న తాజా చిత్రం “పెద్ది”, దర్శకుడు బుచ్చిబాబు సన దర్శకత్వంలో తెరకెక్కుతోంది. ఉత్తరాంధ్ర నేపథ్యంతో, విలేజ్ స్పోర్ట్స్ బ్యాక్‌డ్రాప్‌లో తెరకెక్కుతున్న ఈ మాస్ యాక్షన్ డ్రామా మీద రోజురోజుకీ హైప్ పెరుగుతోంది. ఇందులో చరణ్ పూర్తి రగ్గడ్ మాస్ లుక్‌లో కనిపించబోతున్నారు. ఇటీవల చరణ్ చేసిన “గేమ్ ఛేంజర్” సినిమా నిరాశపరిచిన నేపథ్యంలో, ఈసారి హిట్ కొట్టాలన్న పట్టుదలతో ఉన్నారు. బాలీవుడ్ బ్యూటీ జాన్వీ కపూర్ హీరోయిన్‌గా నటిస్తున్న ఈ సినిమా షూటింగ్ వేగంగా సాగుతోంది.

ఇదిలా ఉంటే, “పెద్ది” తర్వాత చరణ్ మరోసారి సుకుమార్ దర్శకత్వంలో సినిమా చేయనున్నారని సమాచారం. ఈ ఇద్దరి కాంబినేషన్‌లో వచ్చిన “రంగస్థలం” సూపర్ హిట్ కావడంతో, ఈ కొత్త ప్రాజెక్ట్‌పై భారీ అంచనాలు ఉన్నాయి. ఇక మరోవైపు, చరణ్‌తో మెహర్ రమేష్ సినిమా చేయనున్నాడని టాక్ వినిపిస్తోంది. అయితే వరుస ఫ్లాప్స్ కారణంగా చరణ్ అభిమానులు ఈ కాంబోపై ఆందోళన వ్యక్తం చేస్తున్నారు.