రవితేజ–వశిష్ట కాంబోలో సైన్స్ ఫిక్షన్ మూవీ రాబోతుందా?

బింబిసార, విశ్వంభర లాంటి సోషియో ఫాంటసీ సినిమాల దర్శకుడు వశిష్ట. విశ్వంభర సినిమా పూర్తి చేసి, పోస్ట్ ప్రొడక్షన్ వర్క్ కు అప్పగించి, చేతులు ముడుచుకు కూర్చున్నారు. ఎందుకంటే ఆ సినిమా విడుదల ఇంకా ఆరు నెలల దూరంలో వుంది. ఈ లోగా తరువాత ప్రాజెక్ట్ మీద ప్రయత్నాలు ప్రారంభించేసారు. సీనియర్ హీరో రవితేజ కు ఓ కథ చెప్పారు. ఆయన దానికి ఆల్ మోస్ట్ ఓకె అన్నారు. దానికి నిర్మాతను ఆయనే సెట్ చేస్తారు.
రెండు సినిమాలు సోషియో ఫాంటసీ మీద వెళ్లిన వశిష్ట, ఈసారి సైన్స్ ఫిక్షన్ ను ఎంచుకున్నారు. సైన్స్ ఫిక్షన్ అయితే సిజి లతో పని లేదు పెద్దగా. పైగా రవితేజ అంటే రెగ్యులర్ కమర్షియల్ ఫార్మాట్ ను దాట కూడదు. అందుకే ఈ రెండూ కలిసి వచ్చేలా సైన్స్ ఫిక్షన్ ను ఎంచుకున్నారు. ప్రస్తుతం రవితేజ చేతిలో రెండు సినిమాలు వున్నాయి. ఒకటి డిసెంబర్ కు పూర్తవుతుంది. రెండవది శివనిర్వాణ-మైత్రీ సినిమా. అది పూర్తి అయ్యే సరికి విశ్వంభర విడుదలయిపోతుంది. అప్పుడు వశిష్ట రెడీగా వుంటారు. అదీ విషయం.