నానితో హాలీవుడ్ కలయిక… ‘ది ప్యారడైజ్’పై భారీ హంగామా!

నేచురల్ స్టార్ నాని హీరోగా శ్రీకాంత్ ఓదెల దర్శకత్వంలో వస్తోన్న పీరియడ్ యాక్షన్ డ్రామా ది ప్యారడైజ్ రోజు రోజుకీ మరింత పెద్దదవుతోంది. ఈ గ్లోబల్ ప్రాజెక్ట్‌లో బాలీవుడ్ స్టార్ రాఘవ్ జుయాల్ తన తెలుగు డెబ్యూ చేస్తుండగా, మోహన్ బాబు మరో పవర్‌ఫుల్ రోల్‌లో కనిపించబోతున్నారు.

ఇంతలో, ఈ టీమ్ గత మూడు నెలలుగా హాలీవుడ్ స్టార్ రయాన్ రేనోల్డ్స్ టీమ్‌తో సంప్రదింపులు జరుపుతూ, ఇటీవలే చర్చలు ప్రారంభించగలిగిందట. రయాన్ రేనోల్డ్స్ ఈ సినిమా ఇంటర్నేషనల్ వెర్షన్‌ను ప్రెజెంట్ చేసే అవకాశం ఉందని టాక్. హాలీవుడ్ ఫేస్ ఈ ప్రాజెక్ట్‌తో జాయిన్ అవ్వడం వల్ల సినిమాకు గ్లోబల్ విజిబిలిటీ మరింత పెరుగుతుందని భావిస్తున్నారు. ది ప్యారడైజ్ సినిమా నాని కెరీర్‌లోనే కాకుండా, దర్శకుడు శ్రీకాంత్ ఓదెల, నిర్మాత సుధాకర్ చెరుకూరి గార్లకు కూడా ఇప్పటి వరకు ఉన్న అతి ప్రతిష్టాత్మకమైన  ప్రాజెక్ట్. గ్లోబల్ లెవెల్‌లో సెన్సేషన్ క్రియేట్ చేయడానికి టీమ్ ఎలాంటి రాజీ లేకుండా పని చేస్తోంది.

వాళ్లు సినిమా విడుదలను కేవలం ఇంటర్నేషనల్ మార్కెట్లకు పరిమితం చేయకుండా, ప్రపంచవ్యాప్తంగా ఉన్న ప్రేక్షకులను చేరుకునేలా ప్లాన్ చేస్తున్నారు. ఈ సినిమా కంటెంట్ యూనివర్సల్ అపీల్ కలిగి ఉందని, అన్ని భాషల ప్రేక్షకులనూ ఆకట్టుకుంటుందని మేకర్స్ నమ్ముతున్నారు. భారతదేశంలోని ఆరు భాషలతో పాటు, ది ప్యారడైజ్ సినిమా ఇంగ్లీష్ మరియు స్పానిష్ భాషల్లో కూడా వచ్చే ఏడాది మార్చి 27న విడుదల కానుంది.