హీరోయిన్ పేరుతో మోసం… అదితి రావు హైదరి నిజం బయట పెట్టింది!

బాలీవుడ్ నటి అదితి రావు హైదరి పేరుతో జరుగుతున్న మోసంపై ఆమె ఇచ్చిన స్పష్టీకరణ ప్రస్తుతం సోషల్ మీడియాలో వైరల్ అవుతోంది. తన పేరు, ఫోటోను ఉపయోగిస్తూ ఒక వ్యక్తి ఫోటోగ్రాఫర్లను మోసం చేస్తున్నాడని తాను గుర్తించినట్లు అదితి తెలిపారు.

సోషల్ మీడియాలో పోస్ట్ చేస్తూ ఆమె ఇలా చెప్పింది:
“ఒక వ్యక్తి వాట్సాప్‌లో నా పేరు, ఫోటోను ప్రొఫైల్‌గా పెట్టుకుని ఫోటోషూట్ పేరుతో పలువురు ఫోటోగ్రాఫర్లకు మెసేజ్‌లు పంపుతున్నట్టు తెలిసింది. అవి నేను పంపినవి కాదు.”

అదితి రావు హైదరి ఇంకా వెల్లడిస్తూ—
“ఫోటోషూట్ వంటి పనుల కోసం ఎవరినైనా సంప్రదించాల్సిన పరిస్థితి వచ్చినా, నేను వ్యక్తిగత ఫోన్ నంబర్ ఉపయోగించను. నా టీమ్ ద్వారానే సంప్రదిస్తాం. మీకు ఇలాంటి మెసేజ్‌లు వస్తే మా అధికారిక ఇన్‌స్టాగ్రామ్ ఖాతా arhconnect కు తెలియజేయండి” అని స్పష్టం చేసింది.