ఫిట్‌నెస్ కోసం గ్లో కోల్పోయిందా శ్రీలీల?

టాలీవుడ్‌లో యంగ్ సెన్సేషన్‌గా గుర్తింపు పొందిన శ్రీలీల, సినిమాలు హిట్ అయినా ఫ్లాప్ అయినా ఆగకుండా సైన్ చేస్తూ వస్తోంది. మొదట్లో ఆమె అందం, డాన్స్ మూవ్స్, స్క్రీన్ ప్రెజెన్స్‌కి ప్రేక్షకులు ఫిదా అయ్యారు. ‘గుంటూరు కారం’, ‘ధమాకా’ లాంటి సినిమాల్లో ఆమె ఎనర్జీ, పాటలే సినిమాలకు హైప్ తెచ్చాయి. కానీ తాజాగా వచ్చిన ‘మాస్ జాతర’లో శ్రీలీల లుక్ చూసి ప్రేక్షకులు షాక్ అయ్యారు. ఇదే శ్రీలీలా? అని చాలామంది ఆశ్చర్యపోతున్నారు. బాడీ స్లిమ్‌గా ఉన్నా, ఫేస్‌లో ఉండే ఆ గ్లో తగ్గిపోయిందని కామెంట్స్ వస్తున్నాయి. కొత్త హెయిర్ స్టైల్ కూడా అంతగా ఇంప్రెస్ చేయలేకపోయింది.

ఆమె యాక్టింగ్, డైలాగ్ డెలివరీ, ఎమోషన్‌లను మెరుగుపరచకపోతే, స్టార్‌డమ్ నెమ్మదిగా తగ్గిపోతుందనే ఆందోళన వ్యక్తమవుతోంది. విమర్శకులు కూడా ఈ సినిమాలో శ్రీలీలనే పెద్ద మైనస్ అని అంటున్నారు. ఆమె యాక్టింగ్, ఉచ్చారణ కూడా పెద్దగా ఆకట్టుకోలేదని అభిప్రాయం. ఇటీవలి ఇంటర్వ్యూలో శ్రీలీల తాను కఠినమైన డైట్, ఫిట్‌నెస్‌పై ఫోకస్ వల్లే బాడీ ట్రాన్స్‌ఫర్మేషన్ జరిగిందని చెప్పింది. కొందరు ఆమె బాలీవుడ్‌కి సిద్ధమవుతుందేమోనని అంటున్నారు. రకుల్ ప్రీత్ సింగ్‌లా ఫిట్‌నెస్‌పై ఓవర్ ఫోకస్ వల్ల సహజమైన గ్లో పోయిందని అభిమానులు అంటున్నారు.

ఇప్పుడు శ్రీలీల తన అప్రోచ్‌ని రీచెక్ చేసుకోవాల్సిన సమయం వచ్చింది. డైట్, ఎనర్జీ, స్క్రీన్ ప్రెజెన్స్‌లను సరిచేసుకుని మళ్లీ ఆకర్షణీయమైన లుక్‌తో రావాలి. కేవలం డాన్స్ టాలెంట్‌తో మాత్రమే ఇండస్ట్రీలో నిలవడం కష్టం. ప్రతి ఒక్కరూ ఇప్పుడు డాన్స్ చేయగలరు. సాయి పల్లవి కూడా డాన్సర్‌గా కాకుండా యాక్టర్‌గా తన ఎమోషన్‌లతో ప్రత్యేక గుర్తింపు తెచ్చుకుంది.