‘ప్యారడైజ్’పై మళ్లీ వాయిదా గుసగుసలు

నాచురల్ స్టార్ నాని హీరోగా దర్శకుడు శ్రీకాంత్ ఓదెల రూపొందిస్తున్న భారీ చిత్రం ‘ప్యారడైజ్’పై మరోసారి వాయిదా రూమర్లు వినిపిస్తున్నాయి. ఇప్పటికే పలుమార్లు విడుదల తేదీ మారిన ఈ సినిమాను ఇప్పుడు ఆగస్టు 27న విడుదల చేయనున్నారని ప్రచారం జరుగుతోంది. అయితే అనిరుద్ విదేశాల్లో మ్యూజికల్ టూర్స్‌లో బిజీగా ఉండటంతో ప్రమోషన్స్‌పై ప్రభావం పడుతుందనే చర్చ సోషల్ మీడియాలో వైరల్ అవుతోంది. కానీ పరిశ్రమ వర్గాలు ఈ వార్తలను కొట్టిపారేస్తున్నాయి.

అనిరుద్ కాన్సర్ట్ షెడ్యూల్‌కు సినిమా విడుదలకు ఎలాంటి సంబంధం లేదని, ప్రీ-రిలీజ్ ఈవెంట్లు ముందుగానే పూర్తవుతాయని టీమ్ స్పష్టం చేసింది. సినిమా విడుదల తర్వాత కూడా ఆయన అందుబాటులో ఉంటారని సమాచారం. దీంతో వాయిదా రూమర్లలో నిజం తక్కువేనని విశ్లేషకులు అంటున్నారు. అయినప్పటికీ అధికారిక ప్రకటన కోసం అభిమానుల్లో ఉత్కంఠ కొనసాగుతోంది.