పాన్ ఇండియా సినిమాల్లో కోట్ల కమీషన్ స్కాం!

ప్రపంచంలో అత్యంత అవినీతిపరమైన ప్రదేశాలు ఏమిటి అని అడిగితే చాలా మంది కొన్ని దేశాల ప్రభుత్వాల పేర్లు చెబుతారు. కానీ నిజానికి అలా కాదు. అత్యంత అవినీతి చోటు చేసుకునే ప్రదేశాలు చాలా సార్లు కార్పొరేట్ కంపెనీలు మరియు వాటిలో ఉన్న వ్యక్తులే. స్పష్టంగా అర్థం కావడానికి సినిమా ఇండస్ట్రీకి సంబంధించిన కంపెనీలను ఉదాహరణగా తీసుకుందాం. చాలా కార్పొరేట్ కంపెనీలు సినిమాలకు ఫండింగ్ ఇస్తాయి. కంపెనీలో కూర్చొని డబ్బు రిలీజ్ చేసే అధికారి ముందుగా తన కమిషన్ తీసుకుంటాడు. ఆ తర్వాత ఆ కంపెనీ మరియు ప్రొడ్యూసర్ మధ్య డీల్ జరిగేలా ఏర్పాటు చేసే వ్యక్తి కూడా ప్రొడ్యూసర్ దగ్గర నుంచి తన వాటా తీసుకుంటాడు.

తర్వాత మిగిలిన డబ్బుతో సినిమా తీస్తారు. సినిమా పూర్తయ్యాక దాన్ని ఓటిటికి అమ్మే సమయంలో కూడా మధ్యవర్తి తన కమిషన్ తీసుకుంటాడు. అలాగే ఆ సినిమా కొనుగోలు చేసే ఓటిటి వ్యక్తి కూడా తన వాటా దక్కించుకుంటాడు. ఇదే పరిస్థితి శాటిలైట్ రైట్స్, ఆడియో రైట్స్, మరియు ఇతర డీల్స్ విషయంలో కూడా ఉంటుంది. అంటే ఎక్కువ లాభాలు పొందేవారు సినిమా తీయించే వారు కాకుండా ఈ డీల్స్ సెట్ చేసే మధ్యవర్తులే. ఇప్పుడు ఇది పెద్ద బిజినెస్‌గా మారిపోయింది. ఒక నిజమైన ఉదాహరణ తీసుకుంటే ప్రస్తుతం షూటింగ్‌లో ఉన్న ఒక పాన్-ఇండియా సినిమాకు ఒక కార్పొరేట్ కంపెనీ రూ.200 కోట్ల ఫండింగ్ ఇచ్చింది. ఆ మొత్తం ఆమోదం ఇచ్చిన అధికారి 6% కమిషన్ తీసుకున్నాడు. అందులో సగం అంటే రూ.6 కోట్లు ఆ డీల్ సెట్ చేసిన ప్రొడ్యూసర్ వైపు మధ్యవర్తికి వెళ్లింది. అంటే కంపెనీ అధికారి రూ.6 కోట్లు, మధ్యవర్తి రూ.6 కోట్లు సంపాదించారు. ఇది చిన్న డీల్ కాదు కదా? మొదట ఆ అధికారి కేవలం 3% మాత్రమే అడిగాడట, కానీ మధ్యవర్తి తన వాటా కోసం దాన్ని 6%కి పెంచేశాడు అది ప్రొడ్యూసర్‌కు తెలియకుండా. తర్వాత ఈ విషయం బయటపడటంతో ప్రొడ్యూసర్, మధ్యవర్తి మధ్య విభేదాలు మొదలయ్యాయి.

అదే ప్రొడ్యూసర్ తన సినిమా ఓటిటి రైట్స్ అమ్మడానికి కూడా మరో రూ.9 కోట్లు కమిషన్‌గా ఖర్చు పెట్టాల్సి వచ్చిందట. ఇలా కార్పొరేట్లలో ఈ తరహా ఓపెన్ అవినీతి “కమిషన్” పేరుతో బహిరంగంగా జరుగుతోంది. ఇవన్నీ బ్లాక్ మనీ రూపంలో తిరుగుతున్నాయి అనేది అందరికీ తెలిసిన విషయమే.