బాలీవుడ్ నటి సహిబా బాలితో క్రికెటర్ వాషింగ్ టన్ సుందర్ ఎఫైర్, ఫోటో వైరల్

వాషింగ్టన్ సుందర్ కెరీర్ ఈ మధ్య కొంత ఒత్తిడిలో ఉంది. నమ్మకమైన ఆల్‌రౌండర్‌గా ఎదుగుతున్న సమయంలో, అతని ప్రదర్శనపై అభిమానుల్లో చర్చలు పెరుగుతున్నాయి. ఇంగ్లాండ్ టూర్‌లో బాగానే ఆడిన సుందర్, దక్షిణాఫ్రికాతో జరిగిన టెస్టులు, వన్డేల్లో వచ్చిన అవకాశాలను పూర్తి స్థాయిలో ఉపయోగించుకోలేకపోయాడన్న విమర్శలు వస్తున్నాయి. ఇదే సమయంలో, అతని వ్యక్తిగత జీవితం కూడా గాసిప్ కాలమ్స్‌లో స్థానం సంపాదిస్తోంది.

ఇటీవల సుందర్, బాలీవుడ్ నటి సహిబా బాలితో కలిసి ఒక కాఫీ షాప్‌లో కనిపించిన ఫోటో సోషల్ మీడియాలో వైరల్ అయింది. ఆ ఫోటోలో ఇద్దరూ నవ్వుతూ, సంతోషంగా మాట్లాడుతున్నట్లు కనిపించడంతో, “వీరిద్దరి మధ్య ప్రత్యేకమైన బంధం ఉందా?”, “డేటింగ్‌లో ఉన్నారా?” అనే ప్రశ్నలు అభిమానుల్లో చర్చనీయాంశమయ్యాయి. అయితే ఇప్పటి వరకు ఇద్దరూ ఈ వార్తలపై ఎలాంటి స్పందన ఇవ్వలేదు.

కాశ్మీరీ నేపథ్యానికి చెందిన సహిబా బాలి, సినిమాలు, వెబ్‌సిరీస్‌లు, కంటెంట్ క్రియేషన్‌లో తనకంటూ ఒక పేరు సంపాదించుకుంది. ఇటీవల స్పోర్ట్స్ ఈవెంట్స్ హోస్టింగ్‌ చేయడం వల్ల ఆమెకు క్రికెట్ ప్రపంచంతో మరింత పరిచయం ఏర్పడింది. ఇదే కారణంగా సుందర్‌తో కలిసి కనిపించిన ఫోటో తో గాసిప్‌ను మరింత పెంచింది. వీరిద్దరూ స్నేహితులా? లేక కొత్త ప్రేమ కథ మొదలైందా? అన్నది ఇంకా స్పష్టంగా తెలియలేదు. అయితే సోషల్ మీడియాలో అభిమానులు మాత్రం సరదాగా “కొత్త క్రికెట్-బాలీవుడ్ జంటా?” అంటూ కామెంట్స్ చేస్తున్నారు.