టైగర్ 3, వార్ 2 తర్వాత వైఆర్ఎఫ్ స్పై యూనివర్స్‌కి లైఫ్ ఇచ్చే ప్రయత్నంలో ‘ఆల్ఫా’!

యాష్ రాజ్ ఫిలిమ్స్‌ ఎంతో అంబీషస్‌గా ప్లాన్ చేసిన స్పై యూనివర్స్ “ఏక్ థా టైగర్”, “టైగర్ జిందా హై”, “వార్ (2019)” సినిమాలతో ప్రారంభమైంది. మొదటి మూడు సినిమాలు విడివిడిగా హిట్స్ అయిన తర్వాత, వాటిని ఒకే యాక్షన్ ఫ్రాంచైజ్‌గా వైఆర్ఎఫ్‌ కనెక్ట్ చేసింది. “పఠాన్” బాక్సాఫీస్ దగ్గర భారీ కలెక్షన్లు సాధించినా, ఫ్రాంచైజ్‌లోని పాత సినిమాలా ఇంపాక్ట్ మాత్రం రాలేదు. ఆ తర్వాత వచ్చిన “టైగర్ 3” మరియు “వార్ 2” సినిమాలు కూడా అంచనాలను అందుకోలేకపోయాయి క్రిటిక్స్, ప్రేక్షకుల దగ్గర రెండింట్లోనూ ఫెయిల్ అయ్యాయి. దీంతో స్పై యూనివర్స్ భవిష్యత్తుపై సందేహాలు మొదలయ్యాయి.

ఇప్పుడు వైఆర్ఎఫ్‌ ఆశలు పెట్టుకున్నది  ఆల్ఫా మీదే ఇది ఈ సిరీస్‌లోని మొదటి మహిళా ప్రధాన కథా చిత్రం. ఈ సినిమాకు శివ్ రావాయిల్ దర్శకత్వం వహిస్తున్నారు. ఇందులో ఆలియా భట్ లీడ్ రోల్‌లో నటిస్తుండగా, శర్వారీ వాఘ్ మరో కీలక ఏజెంట్‌గా కనిపించనుంది. కథ రెండు టాప్ ఇండియన్ స్పైలు కలిసి, ఇంటర్నేషనల్ లొకేషన్స్‌లో జరిగే హై రిస్క్ మిషన్‌ను పూర్తి చేయడం చుట్టూ తిరుగుతుంది. భారీ యాక్షన్ సీక్వెన్సులు, టాప్ లెవెల్ వి.ఎఫ్‌.ఎక్స్‌ తో సినిమా గ్రాండ్‌గా ఉండబోతుందని అంటున్నారు. మొదట ఈ సినిమా డిసెంబర్ 25, 2025కి రిలీజ్ ప్లాన్ చేయగా, ఇప్పుడు పోస్ట్-ప్రొడక్షన్ డిలేలు కారణంగా రిలీజ్ డేట్‌ని ఏప్రిల్ 17, 2026కి మార్చారు. సినిమాలో హేవీ వి.ఎఫ్‌.ఎక్స్‌ వర్క్ ఉండటం వల్ల ఈ మార్పు చేశారట.

ఇటీవల “టైగర్ 3”, “వార్ 2” పనితీరు సంతృప్తికరంగా లేకపోవడంతో, ఆల్ఫా సినిమా వైఆర్ఎఫ్‌ కి “మేక్ ఆర్ బ్రేక్” ప్రాజెక్ట్‌గా మారింది. ఈ సినిమా కూడా ఫెయిల్ అయితే,  వైఆర్ఎఫ్‌ స్పై యూనివర్స్  ని పూర్తిగా ముగించే అవకాశం ఉందని ఇండస్ట్రీలో టాక్ ఉంది. అదీ కాకుండా, సల్మాన్ ఖాన్, షారుక్ ఖాన్, హృతిక్ రోషన్, జూనియర్ ఎన్టీఆర్ లాంటి స్టార్‌లు ఈ సినిమాలో గెస్ట్ అప్పియరెన్స్ ఇవ్వడం లేదట. వారి లేని ఆబ్సెన్స్ కూడా స్పై యూనివర్స్  ముగుస్తుందనే రూమర్లను మరింత పెంచింది. ఇప్పుడు అందరి చూపు ఆల్ఫా  మీదే ఉంది ఇది ఫెమెల్ లీడ్‌తో కొత్త పర్స్పెక్టివ్ తెచ్చి,  వైఆర్ఎఫ్‌ స్పై యూనివర్స్ కి మళ్లీ జీవం పోస్తుందా అన్నది చూడాలి.