వరుస ఫ్లాప్స్‌తో ఇబ్బందుల్లో రామ్ పోతినేని, తగ్గిన మార్కెట్

టాలీవుడ్ ఎనర్జిటిక్ స్టార్ రామ్ పోతినేని ప్రస్తుతం తన కెరీర్‌లో క్లిష్ట దశను ఎదుర్కొంటున్నాడు. వరుసగా సినిమాలు ఫెయిల్ కావడంతో ఆయన పరిస్థితి కాస్త కఠినంగా మారింది. మాస్ యాక్షన్ డ్రామాగా వచ్చిన ‘స్కంద’ సినిమాతో రామ్ ప్రేక్షకులను ఆకట్టుకోవాలని చూశాడు కానీ ఫలితం నిరాశ కలిగించింది. తర్వాత ‘ఆంధ్ర కింగ్ తాలూకా’ అనే ఫీల్‌ గుడ్ సినిమాతో కొత్త ప్రయత్నం చేసినా అది కూడా బయ్యర్లకు నష్టాలే మిగిల్చింది.

ఇవి మాత్రమే కాకుండా, అంతకుముందు చేసిన థ్రిల్లర్ కూడా సక్సెస్ కాలేదు. ఏ జానర్ ట్రై చేసినా ఫలితం లేకపోవడంతో రామ్ కెరీర్‌పై ప్రశ్నార్థక చిహ్నం పడింది. కొన్నిసార్లు మంచి టాక్ వచ్చిన సినిమాలు కూడా కలెక్షన్లు రాకపోవడం ఆయనకు మరింత నిరాశ కలిగించింది.

ప్రస్తుతం రామ్ ఆర్కే మీడియాతో ఒక కొత్త సినిమా గురించి చర్చలు జరుపుతున్నాడని టాక్. అయితే వరుస ఫెయిల్యూర్ల కారణంగా ఆయన థియేటర్ మార్కెట్ 20 కోట్ల లోపుకే పడిపోయింది. ఓటీటీ మార్కెట్ కూడా పెద్ద బలంగా లేదు. ఈ పరిస్థితుల్లో రామ్‌తో సినిమా చేయాలంటే కనీసం 50 కోట్ల బడ్జెట్ అవసరం. కానీ ప్రస్తుత మార్కెట్ ప్రకారం అది లాభదాయకం కాదని ఇండస్ట్రీలో చర్చ నడుస్తోంది. అసలు ఏ సినిమా చేస్తే జనం చూస్తారు అన్నది ఓ సమస్య అయితే, మార్కెట్ పరిస్థితుల్లో ఎవరు ధైర్యం చేస్తారు అన్నది ఇంకో సమస్య.