కొత్త యూట్యూబర్లకు షాక్..

కొత్త క్రియేటర్లకు యూట్యూబ్ కీలక మార్పులు చేసింది. యూట్యూబ్ పార్ట్‌నర్ ప్రోగ్రామ్ (YPP) ద్వారా ప్రకటనలు, యూట్యూబ్ ప్రీమియం ఆదాయాన్ని పొందాలంటే ఇకపై మరింత కఠినమైన అర్హతలు సాధించాలి. 2027 ఫిబ్రవరి 1 నుంచి కొత్తగా YPPలో చేరాలనుకునే క్రియేటర్లు 1,000 మంది సబ్‌స్క్రైబర్లతో పాటు గత 365 రోజుల్లో 8,000 క్వాలిఫైడ్ వాచ్ అవర్స్ లేదా గత 90 రోజుల్లో 2 కోట్ల క్వాలిఫైడ్ షార్ట్స్ వ్యూస్ సాధించాలి. ప్రస్తుతం ఉన్న 4,000 వాచ్ అవర్స్, 1 కోటి షార్ట్స్ వ్యూస్ నిబంధనలతో పోలిస్తే ఈ పరిమితులు రెట్టింపయ్యాయి.

ఇప్పటికే YPPలో ఉన్న క్రియేటర్లపై కొత్త ఎంట్రీ నిబంధనల ప్రభావం ఉండదని యూట్యూబ్ స్పష్టం చేసింది. అయితే షార్ట్స్ క్రియేటర్ పూల్ నుంచి ఆదాయం పొందాలంటే ఇకపై ప్రతి 90 రోజుల్లో 1 కోటి క్వాలిఫైడ్ షార్ట్స్ వ్యూస్ కొనసాగించాల్సి ఉంటుంది. మరోవైపు యూట్యూబ్ ప్రీమియం లైట్ సేవలను ప్రీమియం అందుబాటులో ఉన్న దేశాలకు విస్తరిస్తోంది. భారత్‌లో ప్రీమియం లైట్ నెలకు రూ.89, సాధారణ వ్యక్తిగత ప్రీమియం ప్లాన్ నెలకు రూ.149గా ఉంది.