ఆస్ట్రేలియా నుంచి బ్రెజిల్ వరకు తిమింగలాల ప్రయాణం

తిమింగలాలు సాధారణంగా సుదీర్ఘ వలస ప్రయాణాలు చేస్తాయి. అయితే రెండు హంప్‌బ్యాక్ తిమింగలాలు ఆస్ట్రేలియా నుంచి బ్రెజిల్ వరకు దాదాపు 14,500 కిలోమీటర్లు ప్రయాణించి కొత్త రికార్డు సృష్టించాయి. ఇవి వేర్వేరు మార్గాల్లో ప్రయాణించి రెండు దేశాల తీరాలకు చేరినప్పుడు, వాటి తోకలపై ఉన్న ప్రత్యేక గుర్తులు, రంగుల నమూనాలను సాఫ్ట్‌వేర్ సహాయంతో పరిశోధకులు గుర్తించారు.

ఇంత దూరం తిమింగలాలు ప్రయాణించడం ఇదే తొలిసారి అని శాస్త్రవేత్తలు తెలిపారు. సాధారణంగా ఈ తిమింగలాలు తమ వలస మార్గాలను తల్లుల ద్వారా నేర్చుకుంటాయని అధ్యయనాలు వెల్లడించాయి. గత కొన్ని సంవత్సరాలుగా వీటి సంతానోత్పత్తి, ప్రయాణ మార్గాలను పరిశీలించిన పరిశోధకులు చివరకు ఇవి అటు ఇటు భారీ దూరం ప్రయాణించాయని నిర్ధారించారు. ఇది సముద్ర జీవశాస్త్రంలో కీలకమైన ఆవిష్కరణగా భావిస్తున్నారు.