అమెరికా వీసా అపాయింట్‌మెంట్లకు బ్రేక్

అమెరికా ప్రభుత్వం ప్రపంచవ్యాప్తంగా వీసా అపాయింట్‌మెంట్లను తాత్కాలికంగా నిలిపివేసినట్లు సమాచారం. అమెరికాకు వచ్చిన తర్వాత ప్రభుత్వంపై ఆర్థికంగా ఆధారపడే అవకాశం ఉన్నవారిని ‘పబ్లిక్‌ చార్జ్‌’ నిబంధన కింద క్షుణ్ణంగా పరిశీలించేందుకు కాన్సులర్‌ అధికారులకు ప్రత్యేక శిక్షణ ఇవ్వనున్నారు.

హెచ్‌-1బీ వీసాలకు 1,03,265 డాలర్ల ఫీజును ప్రతిపాదించిన మరుసటి రోజే ఈ నిర్ణయం వెలువడటం ప్రాధాన్యం సంతరించుకుంది. ఇప్పటికే వీసా దరఖాస్తుదారులకు వారి అపాయింట్‌మెంట్లు రీషెడ్యూల్‌ చేసినట్లు ఈమెయిల్స్‌ వెళ్లినట్లు సమాచారం. కొత్త అపాయింట్‌మెంట్‌ తేదీ, సమయాన్ని త్వరలో తెలియజేస్తామని అధికారులు పేర్కొన్నట్లు తెలుస్తోంది.