విదేశీ విద్యార్థులకు అమెరికా కొత్త నిబంధన

అమెరికా ప్రభుత్వం అంతర్జాతీయ విద్యార్థుల కోసం కీలక మార్పును ప్రతిపాదించింది. ఇప్పటివరకు F-1 వీసాపై వెళ్లిన విద్యార్థులు తమ కోర్సు పూర్తయ్యే వరకు 'డ్యూరేషన్ ఆఫ్ స్టేటస్ (D/S)' నిబంధన కింద అమెరికాలో ఉండే అవకాశం ఉండేది.

ఇప్పుడు ఆ నిబంధనను తొలగించి, గరిష్టంగా నాలుగేళ్లు మాత్రమే అమెరికాలో ఉండేలా కొత్త కాలపరిమితిని అమలు చేయాలని నిర్ణయించింది. నాలుగేళ్లకు మించి ఉండాలంటే మళ్లీ ప్రత్యేక అనుమతి తీసుకోవాల్సి ఉంటుంది. ఈ నిర్ణయం అమెరికాలో చదువుతున్న సుమారు 3.3 లక్షల మంది భారతీయ విద్యార్థులపై ప్రభావం చూపే అవకాశం ఉంది.