అమెరికాలో డేలైట్ సేవింగ్ టైమ్‌కు శాశ్వత హోదా

అమెరికాలో డేలైట్ సేవింగ్ టైమ్ (DST)ను శాశ్వతంగా అమలు చేసే దిశగా కీలక ముందడుగు పడింది. ‘సన్‌షైన్ ప్రొటెక్షన్ యాక్ట్’ బిల్లుకు అమెరికా ప్రతినిధుల సభ ఆమోదం తెలిపింది. అధ్యక్షుడు డొనాల్డ్ ట్రంప్ సంతకం చేసిన తర్వాత ఈ బిల్లు చట్టంగా అమల్లోకి రానుంది. దీంతో అమెరికన్లు ఇకపై ప్రతి ఏడాది వేసవిలో గడియారాన్ని గంట ముందుకు, శీతాకాలంలో గంట వెనక్కి మార్చాల్సిన అవసరం ఉండదు. ప్రస్తుతం మార్చి నుంచి నవంబర్ వరకు అమల్లో ఉన్న సమయమే ఏడాది పొడవునా కొనసాగుతుంది.

డేలైట్ సేవింగ్ టైమ్ విధానాన్ని మొదట మొదటి ప్రపంచ యుద్ధం సమయంలో విద్యుత్ ఆదా చేయడం, పగటి వెలుతురును ఎక్కువగా వినియోగించడం కోసం ప్రవేశపెట్టారు. అనంతరం రెండో ప్రపంచ యుద్ధ సమయంలో మళ్లీ అమలు చేసి, 1969లో దీనికి చట్టబద్ధత కల్పించారు. ఎన్నికల సమయంలో ఈ విధానంలో మార్పులు తీసుకొస్తానని హామీ ఇచ్చిన ట్రంప్, ఇప్పుడు ఆ దిశగా చర్యలు వేగవంతం చేశారు. ఈ చట్టం అమల్లోకి వస్తే సమయ మార్పులతో ఏర్పడే అసౌకర్యానికి పూర్తిగా తెరపడనుంది.