తొలి దశ చర్చల తర్వాత ట్రంప్ కీలక వ్యాఖ్యలు

అమెరికా, ఇరాన్ మధ్య జరిగిన తొలిదశ చర్చలు ముగిసిన అనంతరం కీలక వ్యాఖ్యలు వెలువడ్డాయి. ఇరాన్‌పై ఇప్పటికే సైనిక విజయాన్ని సాధించామని అమెరికా మాజీ అధ్యక్షుడు డొనాల్డ్ ట్రంప్ పేర్కొన్నారు. చర్చల్లో ఏమి జరుగుతుందన్నది తనకు ముఖ్యమేమీ కాదని, ఏ పరిస్థితుల్లోనైనా విజయం అమెరికాదేనని ఆయన వ్యాఖ్యానించారు. హార్మూజ్ ప్రాంత విషయంలో వెనక్కి తగ్గే ప్రసక్తే లేదని స్పష్టం చేశారు.

ఇక చర్చలు ఇంకా కొలిక్కి రాలేదని అమెరికా ఉపాధ్యక్షుడు జేడీ వాన్స్ తెలిపారు. ఇరాన్‌తో ఇప్పటివరకు ఎలాంటి ఒప్పందం కుదరలేదని, తమ నిబంధనలను అంగీకరించేందుకు ఇరాన్ సిద్ధంగా లేదని ఆయన చెప్పారు. సానుకూల వైఖరి లేకుండా ఒప్పందం సాధ్యం కాదని పేర్కొంటూ, చర్చలు ఎలాంటి ఫలితం లేకుండానే ముగిసినట్లు వివరించారు.