ఇరాన్‌కు మరోసారి ట్రంప్ వార్నింగ్‌

డోనాల్డ్ ట్రంప్ ఇరాన్‌కు మరోసారి హెచ్చరికలు జారీ చేశారు. హర్మూజ్ జలసంధిని తిరిగి తెరవకపోతే, అలాగే అణ్వాయుధ కార్యక్రమాలను నిలిపివేయకపోతే సైనిక చర్యలు మళ్లీ ప్రారంభమయ్యే అవకాశముందని తెలిపారు. ఈ వ్యాఖ్యలు ప్రాంతంలో మళ్లీ ఉద్రిక్తతలు పెరిగే ప్రమాదంపై ఆందోళనలు పెంచుతున్నాయి.

అంతేకాకుండా, ఒప్పందాలను ఉల్లంఘిస్తే దాడులకు సిద్ధంగా ఉన్నామని, ఇప్పటికే ఇరాన్ చుట్టూ తమ దళాలు మోహరించి ఉన్నాయని ఆయన పేర్కొన్నారు. ఈ పరిణామాలు మరింత ఉద్రిక్తతలకు దారితీసే అవకాశం ఉందని, హర్మూజ్ జలసంధి ప్రాముఖ్యతపై అంతర్జాతీయ దృష్టి మరోసారి పడిందని విశ్లేషకులు అభిప్రాయపడుతున్నారు.