నాదర్‌గుల్‌లో దాండియా వేడుకలో విషాదం

హైదరాబాద్‌ సమీపంలోని నాదర్‌గుల్‌లో ఉన్న ఎంవీఎస్ఆర్ ఇంజినీరింగ్ కళాశాలలో నిర్వహించిన దాండియా వేడుకలో అగ్నిప్రమాదం చోటుచేసుకుంది. ఈ ఘటనలో లైటింగ్ సిస్టమ్ కూలిపడటంతో ఓ యువతి మృతి చెందగా, మరో 12 మంది విద్యార్థులు గాయపడ్డారు. వేడుక జరుగుతున్న సమయంలో చోటుచేసుకున్న ఈ ప్రమాదంతో కళాశాల ప్రాంగణంలో విషాదం నెలకొంది.

ఈ ఘటనపై ముఖ్యమంత్రి రేవంత్ రెడ్డి తీవ్ర దిగ్భ్రాంతి వ్యక్తం చేశారు. మృతి చెందిన విద్యార్థిని కుటుంబానికి సంతాపం తెలిపారు. ప్రమాదంలో గాయపడిన విద్యార్థులకు మెరుగైన వైద్యం అందించాలని అధికారులను ఆదేశించారు. ఈ ఘటనకు బాధ్యులైన వారిని గుర్తించి, వారిపై కఠిన చర్యలు తీసుకోవాలని ముఖ్యమంత్రి సూచించారు.