చైనాలో టోర్నడో బీభత్సం..

చైనాలో బావి తుఫాన్ ప్రభావంతో జేజియాంగ్ ప్రావిన్స్‌లో జూలై 19న సంభవించిన శక్తివంతమైన టోర్నడో భారీ విధ్వంసం సృష్టించింది. ఈదురు గాలుల ధాటికి చెట్లు, విద్యుత్ స్తంభాలు నేలకూలగా, పలు ప్రాంతాల్లో మౌలిక సదుపాయాలు దెబ్బతిన్నాయి. రోడ్డుపై వెళ్తున్న ఓ కారు టోర్నడో ప్రభావంతో గాల్లోకి ఎగిరిపోయిన భయానక దృశ్యాలు సీసీటీవీలో రికార్డై సోషల్ మీడియాలో వైరల్‌గా మారాయి.

ఈ ప్రకృతి విపత్తుతో అనేక ఇళ్లు ధ్వంసమయ్యాయి. దాదాపు 20 లక్షల మంది నిరాశ్రయులైనట్లు అధికారులు తెలిపారు. సహాయక చర్యలు కొనసాగుతుండగా, నష్టం అంచనా వేసే పనులు కూడా వేగంగా సాగుతున్నాయి. ఈ ఘటన చైనాలో తీవ్ర వాతావరణ మార్పుల ప్రభావంపై మరోసారి ఆందోళన వ్యక్తం చేసేలా చేసింది.