అరుదైన ఖగోళ ఘటనకు సాక్ష్యంగా మారిన నేటి ఆకాశం

ఆకాశంలో అరుదైన ఖగోళ దృశ్యమైన ‘మైక్రో బ్లూ మూన్’ దర్శనమిస్తోంది. సాధారణం కంటే భూమికి ఎక్కువ దూరంలో ఉన్న సమయంలో పౌర్ణమి సంభవిస్తే దానిని ‘మైక్రో మూన్’గా పిలుస్తారు. అదనపు పౌర్ణమి విశేషంతో పాటు ఈ పరిస్థితి కలిసివచ్చినప్పుడు ఏర్పడే అరుదైన ఘటననే ‘మైక్రో బ్లూ మూన్’గా పేర్కొంటారు.

ఈ సమయంలో చంద్రుడు సాధారణ పౌర్ణమితో పోలిస్తే కొద్దిగా చిన్నగా, తక్కువ ప్రకాశంతో కనిపిస్తాడు. పేరు ‘బ్లూ మూన్’ అయినప్పటికీ చంద్రుడు నీలి రంగులో కనిపించడు. ఖగోళ ప్రేమికులను ఆకట్టుకుంటున్న ఈ అరుదైన దృశ్యంలో నేడు చంద్రుడు భూమికి 4,06,093 కిలోమీటర్ల దూరంలో ఉన్నాడు.