కోల్‌కతాలో తృణమూల్ నేతపై గుడ్ల దాడి

పశ్చిమ బెంగాల్‌లో తృణమూల్ కాంగ్రెస్ నాయకులపై వరుసగా దాడులు జరుగుతున్నాయి. ఇటీవల అభిషేక్ బెనర్జీపై గుడ్లతో దాడి జరిగిన ఘటన మరువకముందే, మరో తృణమూల్ కాంగ్రెస్ నేత దాడికి గురయ్యారు. ఆ పార్టీ ఉపాధ్యక్షుడు జయప్రకాశ్ మజుందార్‌పై కోల్‌కతాలో కొందరు వ్యక్తులు గుడ్లతో దాడి చేసిన ఘటన తీవ్ర చర్చనీయాంశంగా మారింది.

ఆస్తి ఆక్రమణ కేసులో అరెస్టైన జయప్రకాశ్ మజుందార్‌ను వివాదాస్పద స్థలాన్ని పరిశీలించేందుకు పోలీసులు వెంట తీసుకెళ్లారు. ఈ సందర్భంగా అక్కడ ఉన్న కొందరు ఆయనపై గుడ్లు విసిరారు. దీంతో అక్కడ ఉద్రిక్త పరిస్థితులు నెలకొన్నాయి. దాడి అనంతరం జయప్రకాశ్ మజుందార్ తన వాహనం నుంచి దిగేందుకు నిరాకరించి నిరసన వ్యక్తం చేసినట్లు సమాచారం. ఈ ఘటనకు సంబంధించిన దృశ్యాలు సామాజిక మాధ్యమాల్లో విస్తృతంగా వైరల్ అవుతున్నాయి.