తెలుగు యువతి నిఖిత హత్య కేసులో కీలక పరిణామం.. మాజీ ప్రియుడు అరెస్ట్

అమెరికాలో తెలుగు యువతి నిఖిత హత్య కేసులో కీలక పరిణామం చోటుచేసుకుంది. నిఖిత మాజీ ప్రియుడు అర్జున్ శర్మ (27)ను తెలంగాణ పోలీసులు ఆగస్టు 24న ఆగ్రాలో అదుపులోకి తీసుకున్నారు. అమెరికాలోని మేరీల్యాండ్‌లో నిఖిత హత్యకు గురైన అనంతరం అర్జున్ శర్మ భారత్‌కు పారిపోయినట్లు పోలీసులు తెలిపారు. అనంతరం అతడిని గుర్తించి అరెస్ట్ చేశారు.

అర్జున్ శర్మను ఢిల్లీలోని పటియాలా హౌస్ కోర్టులో పోలీసులు హాజరుపరిచారు. అమెరికా అధికారుల అభ్యర్థన మేరకు అతడిని అప్పగించే ప్రక్రియను ప్రారంభించారు. భారత్-అమెరికా నేరస్తుల అప్పగింత ఒప్పందం ప్రకారం తదుపరి న్యాయపరమైన చర్యలు కొనసాగుతున్నాయి. హైదరాబాద్‌లోని లాలాగూడ పోలీస్ స్టేషన్‌లోనూ అర్జున్ శర్మపై కేసు నమోదై ఉన్నట్లు పోలీసులు తెలిపారు.