తెలంగాణ వాతావరణంపై తాజా అప్డేట్..

తెలంగాణలో నైరుతి రుతుపవనాలకు అనుకూల వాతావరణ పరిస్థితులు ఏర్పడినట్లు వాతావరణ శాఖ తెలిపింది. బంగాళాఖాతం వైపు రుతుపవనాలు విస్తరించడంతో రాష్ట్రంలోని కొన్ని జిల్లాల్లో ఈరోజు, రేపు తేలికపాటి వర్షాలు కురిసే అవకాశం ఉంది. అదే సమయంలో గంటకు 40–50 కి.మీ వేగంతో ఈదురుగాలులు వీచే అవకాశముందని అధికారులు అంచనా వేస్తున్నారు.

అయితే ఉత్తర తెలంగాణ జిల్లాల్లో వచ్చే మూడు రోజులు వడగాలులు కొనసాగుతాయని వాతావరణ నిపుణులు హెచ్చరిస్తున్నారు. ఒకవైపు రుతుపవనాల ప్రభావం పెరుగుతున్నప్పటికీ, ప్రాంతాల వారీగా ఉష్ణోగ్రతల్లో తేడాలు కొనసాగుతాయని స్పష్టం చేశారు.