తెలంగాణలో నేడు, రేపు కొత్త ఓటర్ల నమోదుకు అవకాశం

తెలంగాణలో కొత్త ఓటర్ల నమోదుకు నేడు, రేపు అవకాశం కల్పించారు. ఈ ప్రక్రియలో భాగంగా రాష్ట్రంలోని అన్ని పోలింగ్ కేంద్రాల్లో బూత్ లెవల్ అధికారులు (BLOలు) అందుబాటులో ఉండనున్నారు. కొత్తగా ఓటరుగా నమోదు చేసుకోవాలనుకునే అర్హులైన పౌరులకు అధికారులు అవసరమైన మార్గదర్శకత్వం అందించనున్నారు.

ఓటరు జాబితాలో పేరు నమోదు చేసుకోవాలనుకునే వారు ఫామ్-6 నింపి సమర్పించాలి. ఇప్పటివరకు ఓటరుగా నమోదు కాని అర్హులు ఈ అవకాశాన్ని వినియోగించుకోవచ్చు. దరఖాస్తు ప్రక్రియకు సంబంధించిన సహాయం కోసం తమ పరిధిలోని పోలింగ్ కేంద్రంలో అందుబాటులో ఉండే బూత్ లెవల్ అధికారులను సంప్రదించవచ్చు.