రేపు ఫ్యూచర్‌ సిటీలో సీఎం రేవంత్‌రెడ్డి పర్యటన..

తెలంగాణ ముఖ్యమంత్రి రేవంత్‌రెడ్డి రేపు ఫ్యూచర్‌ సిటీలో పర్యటించనున్నారు. పర్యటనలో భాగంగా మధ్యాహ్నం 3:30 గంటలకు ఇబ్రహీంపట్నంలో ఫ్యూచర్‌ సిటీ పోలీస్‌ కమిషనరేట్‌ను ప్రారంభించనున్నారు. అభివృద్ధి చెందుతున్న ఫ్యూచర్‌ సిటీ ప్రాంతంలో శాంతిభద్రతల నిర్వహణ, పోలీసు పరిపాలనను మరింత బలోపేతం చేసే దిశగా ఈ కమిషనరేట్‌ కీలకంగా నిలవనుంది.

అనంతరం సాయంత్రం 5:30 గంటలకు భారత్‌ ఫ్యూచర్‌ సిటీలోని యంగ్‌ ఇండియా స్కిల్‌ యూనివర్సిటీని ముఖ్యమంత్రి సందర్శించనున్నారు. సాయంత్రం 6 గంటలకు నేషనల్‌ ఇన్‌స్టిట్యూట్‌ ఆఫ్‌ అర్బన్‌ మేనేజ్‌మెంట్‌ (NIUM) క్యాంపస్‌ నిర్మాణానికి శంకుస్థాపన చేస్తారు. ఆ తర్వాత ఫ్యూచర్‌ సిటీ అభివృద్ధిపై నిర్వహించే సమీక్ష సమావేశంలో పాల్గొని, వివిధ అభివృద్ధి పనుల పురోగతి, మౌలిక సదుపాయాల కల్పన, భవిష్యత్‌ ప్రణాళికలపై చర్చించనున్నారు.