బెజ్జూరులో ‘స్వర్ణకార శంఖారావం’ సభ పోస్టర్ల ఆవిష్కరణ

కొమరం భీమ్ ఆసిఫాబాద్ జిల్లా బెజ్జూరు మండల కేంద్రంలో గురువారం ‘స్వర్ణకార శంఖారావం’ భారీ బహిరంగ సభకు సంబంధించిన పోస్టర్లను ఆవిష్కరించారు. స్వర్ణకారుల సంఘం జిల్లా అధ్యక్షుడు నల్గొండ శ్రీరాములు చారి, ప్రధాన కార్యదర్శి శ్రీరాం వరప్రసాద్ చారి ఆధ్వర్యంలో ఈ కార్యక్రమం నిర్వహించారు.

ఈ సందర్భంగా నిర్వాహకులు మాట్లాడుతూ, ఈ నెల 24న సాయంత్రం 4 గంటలకు హైదరాబాద్‌లోని సరూర్‌నగర్ గ్రౌండ్స్‌లో స్వర్ణకార శంఖారావం భారీ బహిరంగ సభ నిర్వహించనున్నట్లు తెలిపారు. స్వర్ణకారులు అధిక సంఖ్యలో హాజరై సభను విజయవంతం చేయాలని కోరారు. ఈ కార్యక్రమంలో స్వర్ణకారుల సంఘం మండల అధ్యక్షుడు ఏలేశ్వరం శ్రీనివాస్ చారి, విశ్వబ్రాహ్మణ సంఘం మండల అధ్యక్షుడు పురుషోత్తం చారితో పాటు చాకటి శ్రీధర్ చారి, ఏలేశ్వరం నరేష్ చారి, బట్టుపల్లి విలాస్ చారి, చిలుకూరు మహేష్ చారి, శ్రీరామ్ సురేష్ చారి, గుంజపడిగ సతీష్ చారి, ఏలేశ్వరం రాకేష్ చారి, ఏలేశ్వరం గోపాల్, ఉపేంద్ర చారి తదితరులు పాల్గొన్నారు.