అయోధ్య విరాళాల కేసులో సిట్ నివేదిక కోరిన సుప్రీంకోర్టు

అయోధ్యలో సేకరించిన విరాళాల దుర్వినియోగం ఆరోపణలపై దర్యాప్తు చేస్తున్న ప్రత్యేక దర్యాప్తు బృందం (సిట్) తాజా నివేదికను సమర్పించాలని సుప్రీంకోర్టు ఆదేశించింది. యూపీ ప్రభుత్వం ఏర్పాటు చేసిన సిట్ కూర్పు, దర్యాప్తు పురోగతి వివరాలను నివేదికలో పొందుపరచాలని సూచించింది.

అలాగే, ఈ వ్యవహారంపై కోర్టు పర్యవేక్షణలో సీబీఐ దర్యాప్తు జరపాలంటూ దాఖలైన పిటిషన్లను వచ్చే వారం విచారించనున్నట్లు సుప్రీంకోర్టు తెలిపింది. విచారణకు ముందు తాజా దర్యాప్తు వివరాలను సమర్పించాలని సిట్‌ను ఆదేశించింది.