హైదరాబాద్‌లో దక్షిణాది రాష్ట్రాల డీజీపీల సమావేశం

హైదరాబాద్‌లో ఈ నెల 23న దక్షిణాది రాష్ట్రాల పోలీసు డైరెక్టర్ జనరల్‌ల (డీజీపీలు) సమావేశం జరగనుంది. ఈ భేటీకి ఐదు రాష్ట్రాలు, మూడు కేంద్రపాలిత ప్రాంతాలకు చెందిన డీజీపీలు హాజరుకానున్నారు. పోలీసు వ్యవస్థ ఎదుర్కొంటున్న కీలక సవాళ్లు, వాటిని సమర్థంగా ఎదుర్కొనేందుకు తీసుకోవాల్సిన చర్యలపై ఈ సమావేశంలో చర్చించనున్నారు.

ప్రధానంగా డ్రగ్స్ అక్రమ రవాణా, మానవ అక్రమ రవాణా, వ్యవస్థీకృత నేరాలు, శాంతిభద్రతల పరిరక్షణ వంటి అంశాలు సమావేశంలో ప్రాధాన్యం సంతరించుకోనున్నాయి. ఈ సమస్యలను అరికట్టేందుకు రాష్ట్రాలు, కేంద్రపాలిత ప్రాంతాల పోలీసు విభాగాల మధ్య సమన్వయం, సమాచార మార్పిడి, ఉమ్మడి కార్యాచరణ వంటి అంశాలపై చర్చించే అవకాశం ఉంది.